Акафист Марии Египетской – священные тексты святой об обретении душевного покоя и внутреннем мире

Акафисты святым и мученикам

Акафист преподобной Марии Египетской

Избранной Богом от падшаго рода подвигом тяжким стяжавшей велию славу на небеси, мы, земнороднии, смиренно взываем ти, святая Марие, моли за нас Господа Бога, да исхитит нас из рова страстей похвальная ти воспевающих: Радуйся, Преподобная Мати Марие, Ангели подвигом своим удивившая.

Ангели изумевшася внезапной перемене в тебе, Преподобныя Мати, как ты во единем часе оставила еси широкий путь, ведущий в пагубу и вступила на узкую стезю спасения. Приими от нас, Христова Угоднице, радостное сие пение: Радуйся, Божию Матерь молившая, да удостоит припасть у Креста; Радуйся, чистую Деву просившая, да прощения вымолит у Христа. Радуйся, Деве святей обещавшая не возвратитися на пагубный путь; Радуйся, горькие слезы лиявшая на больную Преподобная грудь. Радуйся, яко Заступницей скоро в молитве была услышана ты; Радуйся, яко в том же часе свободно могла ко Кресту подойти. Радуйся, древо умильно лобзавшая, на немже распят был Христос; Радуйся, всем существом трепетавшая, потоки излившая слез. Радуйся, тут же решение приявшая не возвратитися вспять; Радуйся, иго Христово и бремя Его избравшая взяти себе. Радуйся, сим ты решением твердым во главу сатану поразила еси; Радуйся, яко об одном решении радость велия бысть на небеси. Радуйся, Преподобная Мати Марие, Ангелы подвигом своим удивившая.

Видя неизреченную любовь к тебе Божией Матери, Преподобная, яко по слезной молитве твоей сотвори в той же час невозбранный вход твой к Пречистому Древу Креста в праздник честнаго его воздвижения, и сподоби облобызати оное, ты же в радостном трепете о милости Божией воспевала Ему: Аллилуиа.

Разумом и сердцем своим прияла еси, Святая Марие, неуклонное решение отныне не возвратитися на путь страстей, в умилении сердца молиши Пресвятую Деву Богородицу указати ти место спасения и внезапу услышала еси таинственный глас, указующий таковым местом пустыню Иорданскую. Приими от нас, Преподобная, похвалу сицевую: Радуйся, благодарившая Заступницу Мира за вход невозбранный ко Кресту; Радуйся, Споручницей Деву избравшая отныне служить токмо Христу. Радуйся, чистую Деву молившая спасения ти путь указати; Радуйся, от иконы приемшая местом подвига пустыню избрати. Радуйся, в тот час отрешившая мира сего суету; Радуйся, тут же на кораблице отплывшая по Иорданову сторону ту. Радуйся, в земли пустынней Божией Матерью хранимая ты; Радуйся, миром греховным незримая, избегшая его суеты. Радуйся, яко наветы диавола Крестом отражавшая; Радуйся, в подвизе тяжцем избранная, радовавшаяся со Христом. Радуйся, страхи и глад терпевшая ради Него; Радуйся, прелести мира презревшая ради Единаго Христа. Радуйся, Преподобная Мати Марие, Ангели подвигом своим удивившая.

Силою свыше укрепляема пребывала еси в пустыне, Преподобная Мати, помощию Господа хранимая, выну воспевая Ему: Аллилуиа.

Имея воистину велие хотети преподобный Зосима видети избранницу, Божией высотою жития своего его превозсшедшей, егда наступиша дни святыя Четыредесятницы, отъиде в пустыню за Иорданскую и обрете волею Божиею тебе, Преподобная, ты же смирения ради, не хотяще явитися людем, прежде бежала еси от него, последе же умолена быша преподобным удостоила еси его беседы с тобою, не возгнушайся и нашей беседы смиренныя, угоднице Божия, но приими похвалу сицевую: Радуйся, в пустыне покаяние приносившая; Радуйся, дни и ночи в ней плакавшая. Радуйся, слезами всю землю оросившая; Радуйся, достигшая небесной высоты. Радуйся, от смрада житейскаго бежавшая; Радуйся, притекшая в пустынный покой. Радуйся, под ношею крестною страдавшая; Радуйся, яко всегда Господь с тобою. Радуйся, за подвиги Христом возвеличенная; Радуйся, прославленная еще на земле. Радуйся, прозорливостью Господом отличена; Радуйся, яко по имени Зосиму назвала еси. Радуйся, Преподобная Мати Марие, Ангелы подвигом своим удивившая.

Бурею священнаго ужаса объят бысть преподобный Зосима, яко ты николиже знавшая его по имени, умолиши рассказати ему житие твое дивное. Ты же, смиренная угоднице, не утаила еси пред ним прежней своей греховной жизни, да прославится в тебе Господь, щедро награждающий кающихся: Мы благодарим Создателя, моляще Его, да не отринет Он и нашего покаяния, и в радостном уповании поем Ему: Аллилуиа.

Слышаше преподобный Зосима, како ты с мужеством перенесла еси вся тяжести пустыннаго жития в борьбе с искушениями и диаволом, удивишася и с умилением к тебе взываше: Радуйся, в пустыне только питавшая кореньями тело твое; Радуйся, на Господа всю печаль возлагавшая, да не покинет создание свое. Радуйся, мнозех превозшедшая в подвизе тяжцем своем; Радуйся, в рай за сие ты возшедшая и увенчана светлым венцем. Радуйся, Божиим Духом научена в пустыне писанию; Радуйся, Им Всеблагим, вручены ти дары святой красоты. Радуйся, Духа Святаго сосудом, Марие, сподобилась быти; Радуйся, яко на пути твоем трудном, стремилась для Господа пожити. Радуйся, руку на плуг положившая не возвратитися вспять; Радуйся, всем существом Христа полюбившая, приявшая Его благодать. Радуйся, крином в пустыне прекраснейшим все житие ты цвела; Радуйся, смиренною, благоухающею для Господа Бога была еси. Радуйся, Преподобная Мати Марие, Ангелы подвигом своим удивившая.

Боготочною кровию искупивый ны, Господи, не призвал еси праведныя, но грешныя на покаяние, сподоби и нас подражати житию твоея угодницы Марии, и во веки благодарным сердцем славословити Тя райскою песнею: Аллилуиа.

Видев тя Зосима, Преподобная, стоящую на воздусе и молящуюся, трепетом объят бысть недоумевая, како в падении пребывающей ранее, человеце, толицей благодати сподобися, умиленно возблагодаря Господа и воспета сице: Радуйся, святостью жизни достигшая дара предвидения; Радуйся, монастырские тайны раскрывшая пред Зосимой своими усты. Радуйся, Ангелом уподобилась блистанием своей чистоты; Радуйся, яко стояти сподобилась на воздусе блаженная. Радуйся, пред Зосимой строгия подвиги скрыла еси; Радуйся, с неба явления многия утаила еси. Радуйся, ради святаго спасения хранила лишь в сердце своем; Радуйся, Зосиме молчать повелевшая о себе до кончины твоей. Радуйся, прославленной не восхотевшая быть на земли от людей; Радуйся, яко сорок семь лет неизвестною пребывала в пустынном житии. Радуйся, такожде со стези крестной хотяще неведомой всем отойти; Радуйся, Преподобная Мати Марие, Ангелы подвигом своим удивившая.

Проповедуют Ангелы на небеси чудное твое житие, блаженная пустыннице, яко ты в немощнем телеси стяжала велию силу духа и сокрушила еси козни сатанинския. Мы вкупе с Ангелы прославляем Господа, давшаго тебе крепость Своею благодатию и поем Ему: Аллилуиа.

Возсиявше в ти, Божия Угоднице, великая жажда вкушания Пречистых Христовых тайн, просиша Зосиму явитися в будущее лето, в день святаго Великаго Четверга со святыми Дарами на берег реки Иордана, да сподобишися ты сего святейшаго Дара. Мы, прославляя в тебе ревность теснейшаго соединения с Господом нашим Иисусом Христом, похвальная ти зовем: Радуйся, жаждою святою томимая причащения ради святых Даров; Радуйся, в сердце твоем бысть хранимая ко Господу Богу любовь. Радуйся, всю себе ты уневестила, Преподобная, Спасу Христу; Радуйся, кротость, смирение стяжавшая в Ангельскую чистоту. Радуйся, скоро с Зосимой простилася, жено святой красоты; Радуйся, тут же от глаз его скрылася, Марие, вглубь пустыни. Радуйся, в сердце Зосимы оставила умиления восторг; Радуйся, ум сего старца направила на размышленный поток. Радуйся, яко драгую жемчужину, мысль о тебе он унес; Радуйся, яко весь путь до обители омочен от радостных слез. Радуйся, яко долго в очах его старческих образ твой чудный стоял; Радуйся, токмо чрез лето свиданием старец себя утешал. Радуйся, Преподобная Мати Марие, Ангелы подвигом своим удивившая.

Хотяще соблюсти устав святыя обители, отпустиша игумен иноцы своя на подвиг молчания и наивящей молитвы в пустыни дальния. Преподобный же Зосима не можаще отправиться болезни ради, о нейже предрекала ему ты, Святая Марие, с радостным трепетом ожидавше Великаго Четверга, в онь же день условия ради, обещавши причаститися, преклоняшеся пред непостижимыми судьбами Божиими воспеша Богу: Аллилуиа.

Новым священным трепетом объята душа преподобнаго старца, когда насташа Великий день совершения тайныя Вечери нашим Господом, взяше с собою святейшия Дары, идоша на берег реки, святая, причастити тя, Мати блаженная, мы вкупе со святым старцем благоговеем пред Господом, идущим к тебе в тайнах Своих пречистых. И тебе, достойней невесте Сладчайшаго Жениха, с любовию шествующей на брак Агнчий, умильно взываем: Радуйся, яко святым Иереем исполнена просьба твоя; Радуйся, яко со святыми Дарами прииде на берег трепеща. Радуйся, яко в ночь страсти Христовой хотяще причастницей быти; Радуйся, яко тех в страданиях участница будеши на небеси с ним жити. Радуйся, яко смути преподобнаго отсутствием долгой порой; Радуйся, яко смущение подобная бысть твоя переправа рекой. Радуйся, яко при сиянии месяца ты показалася в дали; Радуйся, стопами идущая к противоположному берегу реки. Радуйся, знамением крестным спасительным, Иордан осенила рукой; Радуйся, яко по суху, без всякаго смущения пошла рекой. Радуйся, яко видения ради сего в страхе бысть Иерей; Радуйся, яко его ты успокоила речью святой своей. Радуйся, Преподобная Мати Марие, Ангелы подвигом своим удивившая.

Странницы и пришельцы вси есмы на земли, по глаголу апостола, странницей пребывала и ты в пустыне своей до дне своего преставления, Агнице Христова Марие, да от Иерусалима земнаго переселившаяся в Иерусалим Горний, славословити Творцу святою райскою песнею: Аллилуиа.

Весь сладость, все твое желание бысть Господь Иисус, Егоже ты принимаше с трепетом в тайнах пречистых из рук блаженнаго старца. Мы, взирая на тя, поистине на достойную причастницу сего святейшаго Дара, с любовию тебе зовем: Радуйся, в тайнах святых обрученная с Безсмертным твоим Женихом; Радуйся, Им за сие украшенная райским нетленным венцем. Радуйся, тя по приятию Божиих Даров окружи дивный свет; Радуйся, яко на тя не можаше Зосима без страха смотрети. Радуйся, с веселием тихим Симеона молитву прочла; Радуйся, взор свой умиленный на руце к небу сейчас вознесла. Радуйся, пищи небесной вкусившая, земной не хотяще приняти; Радуйся, дары любве у Зосимы зерна три решила взяти. Радуйся, яко после своего причастия не долго на бреге пребыла еси; Радуйся, Преподобная Мати Марие, Ангелы подвигом своим удивившая.

Всякий чин ангельский и человецы благословляюще Господа, како Он совершаше силу в немощных людех, укрепляше и тя, многопобедная угоднице, в подвизе своем пустынном терпяще убо в обнаженнем твоем телеси хлад и зной нестерпимый к тому же и страх, и глад и многия злохитрыя искушения от диавола. Ты же за таковую помощь от Господа выну воспевала Ему: Аллилуиа.

Витийствующий язык не можаше изобразити, яже творишися в душе праведнаго Зосима по уходе твоем, таинственная пустыннице, ты образом своим, исполненным благодати Духа Всесвятаго, вперила духовный взор старца в размышления горняя, како Бог перстнаго человека всемогуществом Своим подымаше до Ангельския высоты, приими вкупе с Зосимою смиренную нашу похвалу: Радуйся, в ней же свой ум сохранившая, не разсеянными соблазна страстьми; Радуйся, яко тяготилася встречей с земными людьми. Радуйся, скоро в пустыню стремилася к беседе со Ангелы ты; Радуйся, тамо дни и ночи молилася, незримая миром в тиши. Радуйся, яко от всех удалилася, спасения ради в глуши; Радуйся, только лишь звезды небесныя быша свидетели слез. Радуйся, в сии минуты чудесныя, любовию взирал Сам Христос; Радуйся, яко Споручницу дивную ты веселила собой. Радуйся, помощию Ея сильною в вечный достигла покой; Радуйся, вновь Зосиму просившая, чрез лето в пустыню придти. Радуйся, вновь его ожидавшая с надеждой тебе обрести; Радуйся, Преподобная Мати Марие, Ангелы подвигом своим удивившая.

Спастися хотящим нам буди молитвенницей у Престола Всевышняго, Преподобная Мати, да и мы, избегши искушений всяческих, сподобимся вкупе с тобою выну славословити Господа и пети Ему: Аллилуиа.

Стена еси всем подвижникам, Пресвятая Богородице, от злохитрых козней диавола, спасла еси избравшую тебя Споручницей, пред Сыном сладчайшим Твоим, не посрамила еси ея упования, Пречистая, и довела до вожделенных врат рая. Сподоби нас грешных достойно восхвалити святую угодницу твою Марию песнопениями сими: Радуйся, яко со трепетом радостным ожидавше Зосима тебя; Радуйся, всей мыслею сладостной он утешал себя. Радуйся, яко в поста дни великие, он в пустыню с любовью ушел; Радуйся, яко до места свидания, двадцать дней всего шествовал он. Радуйся, яко в смущении горестном, старец искаше тебя; Радуйся, яко волнений исполненный, старец не помнил себя. Радуйся, яко на песце озаренную светом небес, тебя он обрел; Радуйся, с миром ты сим разлученная, в вечный отъиде покой. Радуйся, с горьким рыданием старец над телом склонился твоим; Радуйся, яко не верил Зосима очам престарелым своим. Радуйся, яко ты уже давно пересилилася в дивный небесный чертог; Радуйся, вечно теперь веселишися, ушла от скорбей и тревог. Радуйся, Преподобная Мати Марие, Ангелы подвигом своим удивившая.

Пением ангельским восхваляема и сонмом их окруженная, вознесеся душа твоя праведная ко престолу Всевышняго во гласе радования воспевати Господа Богокрасною песнею: Аллилуиа.

Святым Духом Божиим озаренный бысть лик твой преподобный, старец же Зосима в велие смущение прииде, яко не уведе имени твоего, блаженная, абие узре надпись у главы твоея начертанную бысть на земле: Радуйся, яко уведе Зосима о преставлении дни; Радуйся, яко смиренной Марией названной была ты в словах. Радуйся, яко преставилась Богу еще лето прошлое ты; Радуйся, в день своего святаго причастия сподобилась отойти. Радуйся, вдруг из пустыни сей жгучей к страху два льва подошли; Радуйся, яко ногами могучими вырыв могилу, ушли. Радуйся, яко с молитвой горячей предал земле он твой прах; Радуйся, яко долго стоял над могилою старец в умильных слезах. Радуйся, тихо устами дрожащими старец молитву совершал; Радуйся, в судьбах Непостижимаго с любовию он прославлял. Радуйся, Преподобная Мати Марие, Ангелы подвигом своим удивившая.

Благодать испроси нам у Бога, чистая Христова невеста Марие, да помилует он нас в день страшнаго суда Своего и да причислит к избранному своему стаду, и да сподобит выну воспевати Ему: Аллилуиа.

Поюще твое покаяние, емуже удивишася Ангелы на небеси и вси страдания твоя безпримерныя, их же не можеши изобразити некий язык человеческий с любовию и радостию ти вопием: Радуйся, яко за плоть обнаженную ныне чудною ризою покрыта в раю; Радуйся, зноем в пустыне сожженная, на небеси прохлады вкушаеши струю. Радуйся, глад постоянный терпевшая, ныне в небе насыщена хлебом Христа; Радуйся, всякия скорби понесшая, ныне в радости глас произносят уста. Радуйся, яко в тяжцей борьбе со диаволем пребывала семнадцать ты лет; Радуйся, яко ты за победу прославлена, окружи тя за то дивный свет. Радуйся, яко премудрая Дево не погасила светильник свой; Радуйся, яко от Крестнаго Древа — неуклонный ко спасению подвиг был твой. Радуйся, Деве Святой обещавшая, Ея помощию не сбиться с пути; Радуйся, много в пустыне страдавшая, не попустила в уклон отойти. Радуйся, знамением крестным разрушила козни врагов; Радуйся, яко ты ныне вкушаеши от Божиих щедрот и даров. Радуйся, Преподобная Мати Марие. Ангелы подвигом своим удивившая.

О, Святая, всехвальная и многопобедная угоднице Христова, Марие, покаяния образ преизящнейший! Молим Тя, испроси нам у Господа Бога силу Его благодати, загладити и нам тьму грехов наших, с сокрушенными слезами о них и да сподобимся в обители покаявшихся получити утешения вечнаго по неложному обещанию, и с лики Ангельскими воспевати Пресвятую Троицу ангельскою песнею: Аллилуиа, Аллилуиа, Аллилуиа.

Читайте также:  Молитва святому Вонифатию от пьянства – священные тексты мученику от недуга

(Этот кондак читается трижды, затем икос 1 и кондак 1)

Заметили ошибку в тексте? Выделите ее мышкой и нажмите Ctrl+Enter

Акафист преподобной Марии Египетской

Текст утвержден Священным Синодом
Русской Православной Церкви
28 декабря 2018 года (журнал № 127)

Кондак 1

Избра́нней от Го́спода во о́браз спасе́ния всем гре́шным и отча́янным, из глубины́ греха́ восте́кшей на высоту́ безстра́стия, похва́льная пе́ния прино́сим ти, ма́ти преподо́бная, ты же, я́ко иму́щи дерзнове́ние к Ще́дрому Бо́гу, моли́твами твои́ми наста́ви на стезю́ покая́ния любо́вию тебе зову́щих: Ра́дуйся, чу́до милосе́рдия Бо́жия, Мари́е равноа́нгельная.

Икос 1

А́нгела во пло́ти узре́в тя в пусты́ни Иорда́нской вели́кий Зоси́ма, на возду́се стоя́щую и о ми́ре моля́щуюся, со удивле́нием и у́жасом одержи́мь весь тре́петом быв, со слеза́ми вопия́ше тебе́ такова́я:

Ра́дуйся, благода́ти и све́та испо́лненная;

ра́дуйся, прозре́ния да́ром украше́нная.

Ра́дуйся, в моли́тве твое́й на возду́се стоя́щая;

ра́дуйся, пусты́нное сокро́вище, от ми́ра утае́нное.

Ра́дуйся, безпло́тных собесе́днице;

ра́дуйся, Ду́ха Свята́го селе́ние.

Ра́дуйся, чу́до милосе́рдия Бо́жия, Мари́е равноа́нгельная.

Кондак 2

Ви́дящи ста́рца благогове́йнаго, у́жаса испо́лнена, ти́хим гла́сом рекла́ еси́ тому́, преподо́бная: «Не бо́йся, а́вво Зоси́мо, несмь дух, но земля́, прах и пе́пел, и вся́чески плоть, ничто́же духо́вное когда́ помы́слившая и ни еди́ныя доброде́тели иму́щая. Жена́ есмь гре́шница, недосто́йная взира́ти на не́бо, и со стра́хом гре́шными усты́ зову́ Бо́гу: Аллилу́иа».

Икос 2

Разуме́ти ища́ ди́вную та́йну, в тебе́ сокрове́нную, ста́рец паде́ пред нога́ма твои́ма, глаго́ля: «Заклина́ю тя и́менем Го́спода на́шего Иису́са Христа́, Его́же ра́ди наготу́ но́сиши сию́, не скры́й от мене́ жития́ твоего́, да вели́чия Бо́жия я́ве сотвори́ши». С ни́мже и мы дерза́ем ублажа́ти тя си́це:

Ра́дуйся, смире́ния све́тлая высото́;

ра́дуйся, дарова́ний духо́вных бога́тство неисчерпа́емое.

Ра́дуйся, любве́ ра́ди Бо́жия те́ло свое́ умерщвля́вшая;

ра́дуйся, в пусты́ни непрохо́дней еди́на с еди́ным Бо́гом пребыва́вшая.

Ра́дуйся, ра́йскою красото́ю сия́ющая;

ра́дуйся, безстра́стия све́том озаре́нная.

Ра́дуйся, чу́до милосе́рдия Бо́жия, Мари́е равноа́нгельная.

Кондак 3

«Си́лою Вы́шняго укрепля́ема, испове́м ти, челове́че Бо́жий, грехи́ и беззако́ния моя́, — отвеща́ла еси́ Зоси́ме, — стыжду́ся, о́тче, прости́ мя, но поне́же те́ло мое́ на́го вид́ел еси, обнажу́ ти и дела́ моя́, оба́че молю́ тя пе́рвее: не бежи́ от мене́, не терпя́ слы́шати безме́стная, я́же аз содея́х; но, милосе́рдствуя о мне, моли́ся за мя, блу́дную, и Бо́гу, не возгнуша́вшемуся мно́ю, зови́: Аллилу́иа».

Икос 3

«Име́я милосе́рдие неизрече́нное, с мытари́ и гре́шники вечеря́вый, Той и мне, во глубину́ поги́бели па́дшей, простре́ ру́ку Свою́ Боже́ственную, егда́ бо возжела́х аз вни́ти в хра́м Госпо́день, не́кая си́ла возбра́ни ми вход, се́рдца же моего́ косну́выйся свет ра́зума, показа́ ми ти́ну дел мои́х; и нача́х пла́катися о гресе́х, в пе́рси бию́щи и го́рько рыда́ющи», — си́це рекла́ еси́, Мари́е, мы же, покая́нию твоему́ дивя́щеся, пе́ние прино́сим ти таково́е:

Ра́дуйся, я́ко но́щи преше́дшей возсия́ ти заря́ спасе́ния;

ра́дуйся, я́ко глас Христо́в призва́ овча́ заблу́ждшее от де́брей греха́.

Ра́дуйся, я́ко сле́зными то́ки омы́ла еси́ вся твоя́ скве́рны;

ра́дуйся, я́ко слеза́ми твои́ми очи́стила еси́ одея́ние души́ твоея́.

Ра́дуйся, я́ко Оте́ц щедро́т объя́тия Своея́ любве́ тебе́ отве́рзе;

ра́дуйся, я́ко Ве́дый твоя́ та́йная рукописа́ния грехо́в твои́х раздра́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 4

Бу́рею ско́рбных помысло́в одержи́ма, узре́ла еси́ ико́ну Пречи́стыя Богома́тери и, стеня́щи, воззва́ла еси́ к Ней: «Повели́, о Влады́чице, да и мне, недосто́йней, отве́рзутся боже́ственнии вхо́ди, и бу́ди ми Пору́чница, да узре́вши Крест Сы́на Твоего́, ми́ра и я́же в ми́ре всего́ отве́ргуся и изы́ду, а́може повели́ши мне, зову́щи Бо́гу: Аллилу́иа».

Икос 4

Слы́шавши глас, издале́ча глаго́лющ: «А́ще Иорда́н пре́йдеши, добр поко́й обря́щеши», на коле́на па́дши пред Присноде́вою, рекла́ еси́: «О Влады́чице! Не гнуша́ется де́вственная чистота́ Твоя́ моея́ недосто́йныя моли́твы, бу́ди ми спасе́ния Учи́тельница, руково́дствующая на путь покая́ния!» Те́мже у́бо А́нгели Бо́жии, напису́юще испове́дание твое́, возглаша́ху тебе́ в той час сицева́я:

Ра́дуйся, от тьмы греха́ к чи́стому све́ту покая́ния преше́дшая;

ра́дуйся, неи́стовство страсте́й и нечистоту́ плотску́ю отри́нувшая.

Ра́дуйся, тя́жкое бре́мя сту́дныя рабо́ты диа́воли отве́ргшая;

ра́дуйся, благо́е и ле́гкое и́го Христо́во подъе́мшая.

Ра́дуйся, от сме́рти грехо́вныя к ве́чному животу́ возста́вшая;

ра́дуйся, от врат поги́бели ко врато́м рая́ восше́дшая.

Ра́дуйся, чу́до милосе́рдия Бо́жия, Мари́е равноа́нгельная.

Кондак 5

Богосве́тлыми луча́ми благода́ти просвеща́ет тя Пресвята́я Де́ва, Та бо Спору́чница гре́шных к Бо́гу су́щи, отверза́ет тебе́ две́ри милосе́рдия Бо́жия и врата́ хра́ма свята́го, во́ньже вше́дши, со мно́гими слеза́ми поклони́лася еси́ Живоно́сному Дре́ву, и́мже мир спасе́н бысть, и распе́ншемуся Го́споду, Кро́вь Свою́ за твое́ избавле́ние излия́вшему, благода́рственно воспе́ла еси́: Аллилу́иа.

Икос 5

Ви́девши та́йны Бо́жия и ка́ко Той гото́в есть приима́ти ка́ющихся, всехва́льная Мари́е, воззва́ла еси́ всем се́рдцем: «Влады́чице Богоро́дице! Не оста́ви мене́!» — и устреми́лася еси́ в пусты́ню об он пол Иорда́на, мы же, почита́юще бе́гство твое́, срета́ем тя пе́нии си́ми:

Ра́дуйся, я́ко всепроща́ющею любо́вию Спа́са ура́нися се́рдце твое́;

ра́дуйся, я́ко сокро́вище благода́ти, тобо́ю прия́тое, потща́лася еси́ сокры́ти в пусты́ни.

Ра́дуйся, я́ко ми́ра грехо́вныя сла́дости скороте́чно отбе́гла еси́;

ра́дуйся, я́ко невозвра́тное ше́ствие твое́ к небе́сным на всяк день ускоря́ла еси́.

Ра́дуйся, я́ко ре́вностный исхо́д твой де́моны опали́;

ра́дуйся, я́ко вселе́ние твое́ в ско́рбную пусты́ню Небеса́ возвесели́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 6

Пропове́дуеши всем па́дшим и отча́янным, всечестна́я, Бо́жие человеколю́бие, и явля́еши си́лу покая́ния, я́же гре́шную ду́шу омыва́ет, очища́ет, светли́т, и возво́дит горе́, и весе́лие твори́т А́нгелом Бо́жиим, с ни́миже и мы бре́нными усты́ зове́м: Аллилу́иа.

Икос 6

Возсия́ ми́рови от пусты́ни Иорда́нския свет вели́ких по́двигов твои́х, Мари́е присносла́вная, мно́гая бо ле́та, а́ки адама́нт тверд и столп непоколеби́мь пребыла́ еси́, я́ко со зверьми́ лю́тыми, с похотьми́ твои́ми борю́щися и ору́жием Креста́ отража́ющи разжже́нныя стре́лы лука́ваго. Сего́ ра́ди дивя́щеся преесте́ственному терпе́нию твоему́, любо́вию зове́м ти:

Ра́дуйся, я́ко злострада́ния труд в пусты́ни четы́редесять и осмь лет понесла́ еси́;

ра́дуйся, я́ко опале́ние со́лнечное и мраз нощны́й в наготе́ долготерпе́ла еси́.

Ра́дуйся, гла́дом и жа́ждею изможда́емая;

ра́дуйся, покро́вом Богоро́дицы от сме́рти охраня́емая.

Ра́дуйся, я́ко в борьбе́ со грехо́м, в тебе́ живу́щим, до кро́ве подвиза́лася еси.

ра́дуйся, я́ко вся́кое пожела́ние пло́ти коне́чне умертви́ла еси́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 7

Хотя́ препя́тие сотвори́ти твоему́ све́тлому к Небеси́ ше́ствию, всеблаже́нная, иско́нный враг ро́да челове́ческаго не престая́ше влага́ти ти по́мыслы нечи́стыя, огнь грехо́вный в удесе́х твои́х разжиза́я и приводя́ тебе́ на па́мять о́бразы пре́жняго жития́ твоего́. Ты же, многострада́льная, поверга́лася еси́ на зе́млю, слеза́ми ороша́ющи ю и призыва́ющи в по́мощь Присноде́ву, и не востава́ла еси́ от земли́, до́ндеже сла́дкий свет осиява́ше тя, воздвиза́я благода́рственно пе́ти Бо́гу: Аллилу́иа.

Икос 7

Но́вый челове́к, по Бо́зе созда́нный, яви́лася еси́, преподо́бная, умертви́вши бо всеконе́чне ве́тхаго челове́ка, во Христа́ облекла́ся еси́, всечу́дная, за седмьна́десять лет безчи́сленныя беды́ постра́давши. О сем у́бо Зоси́ме рекла́ еси́: «Отто́ле же и до днесь си́ла Бо́жия гре́шную мою́ ду́шу и те́ло смире́нное соблюде́». Приими́ у́бо и от нас, недосто́йных, похвалы́ сицевы́я:

Ра́дуйся, я́ко умертви́ла еси́ страсте́й взыгра́ния;

ра́дуйся, я́ко победи́ла еси́ и са́мое естество́.

Ра́дуйся, я́ко очи́стила еси́ ду́шу и плоть твою́ от вся́каго греха́;

ра́дуйся, я́ко в хра́мине всели́ся Госпо́дь.

Ра́дуйся, я́ко облекла́ся еси́ в оде́жду весе́лия духо́внаго;

ра́дуйся, я́ко вошла́ еси́ в ве́чный поко́й Сы́на Бо́жия.

Ра́дуйся, чу́до милосе́рдия Бо́жия, Мари́е равноа́нгельная.

Кондак 8

Стра́нное и пресла́вное изме́нение твое́, преподо́бная, ви́дяще, де́монов те́мныя полцы́ го́рько рыда́ху, вся же Си́лы Небе́сныя ра́достию игра́юще, песнь Христу́ воспева́ху, прославля́юще Бо́жие милосе́рдие, грехми́ людски́ми неодоли́мое, ве́лиим гла́сом зову́ще: Аллилу́иа.

Икос 8

Вся была́ еси́ в Бо́зе, Мари́е всебога́тая, егда́ Зоси́ма, обходя́ пусты́ню, ви́дети тя сподо́бися. «Заклина́ю тя, о́тче, Спаси́телем Бо́гом, да никому́же рече́ши, я́же слы́шал еси́ от мене́, до́ндеже Бог от земли́ во́змет мя, — запове́дала еси́ тому́. — Ны́не с ми́ром отыди́, в посте́ же гряду́щаго ле́та причасти́ мя Святы́х Христо́вых Та́ин на бре́зе Иорда́нстем». Сия́ ре́кши, а́ки го́рлица пустыннолюби́вая и неудержи́мая, от о́чию ста́рца скры́лася еси́, той же поклони́ся до земли́ и, облобы́зав ме́сто, иде́же стоя́сте но́зе твои́, воззва́ такова́я:

Ра́дуйся, я́ко студа́ грехо́внаго обнажи́лася еси́;

ра́дуйся, я́ко па́че сне́га убели́лася еси́;

Ра́дуйся, я́ко омраче́ние стра́стное препобеди́ла еси́;

ра́дуйся, я́ко па́че луче́й со́лнечных просвети́лася еси́.

Ра́дуйся, пе́рвее блудни́ца, ны́не же неве́ста Христо́ва;

ра́дуйся, я́ко вси греси́ твои́ проще́ни суть у Бо́га.

Ра́дуйся, чу́до милосе́рдия Бо́жия, Мари́е равноа́нгельная.

Кондак 9

«Всяк по́мысл и ум ужаса́ют боле́зни твоя, всехва́льная, ка́ко труд пусты́ни любве́ ра́ди Бо́жия прете́рпела еси́, — взыва́ше превели́кий во отце́х Зоси́ма, рыда́я. — О, ма́ти духо́вная! Ты Бо́гу прибли́зилася еси́, хоте́л бых, а́ще бы мо́щно ми бы́ло, во след тебе́ ходи́ти, и зре́ти честно́е лице́ твое́, и ку́пно с тобо́ю немо́лчно пе́ти: Аллилу́иа».

Икос 9

Вети́йство земноро́дных не довле́ет к досто́йному похвале́нию твои́х по́двигов, всечестна́я. Кто же дово́лен изрещи́ сле́зныя то́ки, я́же пролия́ла еси́ в моли́твах к Бо́гу, кто боле́зни твоя́ изочте́т, кто испове́сть всено́щная бде́ния, боре́ния и тесноту́ жития́ твоего́? Пусты́ню всю чудесы́ просвети́вши, я́ко со́лнце, просия́ла еси́, всечу́дная, тем у́бо мо́лим тя: озари́ луча́ми све́та твоего́ сердца́ на́ша и испроси́ оставле́ние грехо́в всем вопию́щим тебе́ такова́я:

Ра́дуйся, помраче́нный о́браз Бо́жий в све́тлости вели́цей в себе́ возобрази́вшая;

ра́дуйся, смра́да греха́ избе́гши, небе́сными арома́ты благоуха́ющая.

Ра́дуйся, звезда́ми чуде́с украше́нная;

ра́дуйся, луча́ми доброде́телей сия́ющая.

Ра́дуйся, вели́чия Бо́жия всем конце́м земли́ благовеству́ющая;

ра́дуйся, не́бо и зе́млю к пе́нию сла́вы Го́спода твоего́ призыва́ющая.

Ра́дуйся, чу́до милосе́рдия Бо́жия, Мари́е равноа́нгельная.

Кондак 10

Спаси́теля Бо́га Животворя́щия Те́ло и Кровь взе́м, в день та́инственныя Христо́вы Ве́чери а́вва Зоси́ма по завеща́нию твоему́, преподо́бная ма́ти, в ве́чер зело́ по́зден изы́де на брег Иорда́на, неукло́нно в пусты́ню лу́нным све́том осиява́емую, зря и моля́ся к Бо́гу, глаго́лаше: «Покажи́ ми, Го́споди, сокро́вище Твое́, е́же в пусты́ни сокры́л еси́! Покажи́ ми а́нгела во пло́ти, да не оты́ду тощ, нося́ моя́ грехи́ на обличе́ние, но да ра́дуяся, зову́ Тебе́: Аллилу́иа».

Икос 10

Сте́ну непрохо́дну мы́сляше ста́рец бы́ти Иорда́н ре́ку между́ ним и тобо́ю, преподо́бная; оба́че ты, ста́вши на бре́зе да́льнем, зна́мением кре́стным Иорда́н осени́ла еси́ и с моли́твою пошла́ еси́ по воде́, а́ки по су́ху. Зоси́ма же, ви́дев тя, гряду́щу по вода́м Иорда́нским, ужасе́ся и ра́достне вопия́ше тебе́:

Ра́дуйся, го́рняго рая́ Бо́жия обита́тельнице;

ра́дуйся, я́ко тварь повину́ется веле́нию твоему́.

Ра́дуйся, я́ко Иорда́н тебе́ слу́жит;

ра́дуйся, я́ко луна́ и зве́зды дивя́тся святы́не твое́й.

Ра́дуйся, си́лы Бо́жия ди́вное проявле́ние;

ра́дуйся, Бо́га Жива́го хра́ме одушевле́нный.

Ра́дуйся, чу́до милосе́рдия Бо́жия, Мари́е равноа́нгельная.

Кондак 11

«Пе́ние подоба́ет тебе́ приноси́ти Всемогу́щему Бо́гу, а́вво, — рекла́ еси́ тому́, по воде́ ше́ствующи. — Что твори́ши, свяще́нник сый, ка́ко хо́щеши кла́нятися мне, убо́зей, сам нося́й стра́шныя Та́йны Христа́ Бо́га! И́мже ве́рою и лю́бовию покланя́ющися, прах и земля́ су́щи, со стра́хом зову́: Аллилу́иа».

Икос 11

Све́том небе́сным блистающи́ся, причасти́лася еси́ Боже́ственных Та́ин и ра́дости преми́рныя испо́лнившися и на не́бо ру́це возде́вши, рекла́ еси́: «Ны́не отпуща́еши рабу́ Твою́, Влады́ко!» Обра́щшися же к ста́рцу, веща́ла еси́: «О, а́вво Зоси́мо! В гряду́щее ле́то у́зриши мя па́ки в пусты́ни, я́коже хо́щет Госпо́дь. Моли́ Его́ о мне, о́тче мой, моли́, помина́я всегда́ мое́ окая́нство». И па́ки Иорда́н зна́менавши, прешла́ еси́ верху́ воды́, ста́рец же, не сме́я надо́лзе держа́ти тя, стеня́ и рыда́я, взыва́ше во след тебе́ такова́я:

Ра́дуйся, ме́ртвость Го́спода Иису́са в те́ле нося́щая;

ра́дуйся, Воскресе́ния Его́ сла́вою сия́ющая.

Ра́дуйся, благода́тию, я́ко ри́зою све́та, облече́нная;

ра́дуйся, светоза́рная оби́тель Всесвяты́я Тро́ицы.

Ра́дуйся, я́ко си́лы а́довы ужаса́ются и тре́пещут сла́вы твоея́;

ра́дуйся, я́ко А́нгели Бо́жии дивя́тся чистоте́ твое́й.

Ра́дуйся, чу́до милосе́рдия Бо́жия, Мари́е равноа́нгельная.

Кондак 12

Благода́тию Боже́ственною окриля́ема, во един час долготу́ пусты́ни прешла́ еси́ и в нощь спаси́тельныя Христо́вы Стра́сти, по причаще́нии Боже́ственныя Та́йныя Ве́чери, сном святы́м усну́ла еси́, о ми́ре моля́щися, и дух твой Го́споду предала́ еси́, Ему́же со а́нгелы в неисповеди́мей ра́дости зове́ши ны́не: Аллилу́иа.

Икос 12

Поя́ надгро́бное пе́ние, богому́дрый Зоси́ма но́зе твои́ честне́и слеза́ми омыва́ше, и мно́го моли́вся, покры́ те́ло твое́ земле́ю, на́го су́щее и ничто́же иму́щее, то́чию ве́тхую ма́нтию, ю́же испе́рва тебе́ даде́, ра́достию и стра́хом мно́гим одержи́мь, вели́чию Бо́жию дивя́ся, стоя́ше, зовы́й к тебе́ такова́я:

Ра́дуйся, я́ко, ча́до све́та су́щи, прешла́ еси́ к Све́ту невече́рнему;

ра́дуйся, я́ко дух твой с весе́лием прия́ша со́нмы святы́х.

Ра́дуйся, я́ко те́ло твое́ упоко́ися в во гро́бе, и́же лев от пусты́ни тебе́ ископа́;

ра́дуйся, я́ко тобо́ю показа́ нам Госпо́дь, коли́ко отстои́м от ме́ры соверше́нства.

Ра́дуйся, по́стников высото́ и преподо́бных сла́во;

ра́дуйся, о всем ми́ре к Бо́гу хода́таице.

Ра́дуйся, чу́до милосе́рдия Бо́жия, Мари́е равноа́нгельная.

Кондак 13

О, преподо́бная ма́ти, богоблаже́нная Мари́е! Приими́ от нас ны́не приноси́мое тебе́ моле́ние и, Све́ту непристу́пному предстоя́щи, моли́ся Всеще́дрому Бо́гу, да по вели́цей ми́лости Свое́й, низпо́слет светоза́рную благода́ть покая́ния всем нам, заблу́ждшим ча́дом Небе́снаго Отца́, да, от греха́ к оте́ческому до́му восте́кше, в ра́йских селе́ниих сподо́бимся вку́пе с тобо́ю во ве́ки благода́рственно пе́ти Ему́: Аллилу́иа.

Этот кондак читается трижды, затем 1-й икос «Ангела во плоти…» и 1-й кондак «Избранной от Господа …».

Молитва

О, вели́кая Христо́ва уго́днице, преподо́бная ма́ти Мари́е! На Небеси́ Престо́лу Бо́жию предстоя́щи, на земли́ же ду́хом любве́ с на́ми пребыва́ющи, иму́щи дерзнове́ние ко Го́споду, моли́ спасти́ рабы́ Его́, к тебе́ с любо́вию притека́ющия. Испроси́ нам у Многоми́лостиваго Влады́ки и Го́спода на́шего ве́ры непоро́чное соблюде́ние, градо́в и весей на́ших утвержде́ние, от гла́да и па́губы избавле́ние, скорбя́щим утеше́ние, неду́гующим исцеле́ние, па́дшим возста́ние, заблу́ждшим вразумле́ние, в де́лех благи́х преспе́яние и благослове́ние, сирота́м и вдови́цам заступле́ние и отше́дшим от сего́ жития́ ве́чное упокое́ние. Бу́ди кре́пкая хода́таица, ди́вная ма́ти Мари́е, во е́же всем нам в день Стра́шнаго Суда́ десны́я страны́ о́бщники бы́ти и блаже́нный глас Судии́ ми́ра услы́шати: прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра. Ами́нь.

О чём читают акафист Марии Египетской

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Удивительные примеры жизненных дорог хранит святая Церковь. Путь Марии Египетской поначалу трудно назвать дорогой, это было блуждание – петляние в дебрях страстей, барахтание в топях греха. Блуждание – блуд, страсть уводящая от Бога. Человек, впавший в блуд, поклоняется идолам – своему страстному желанию, телесной похоти, своему эгоизму. Он забывает совесть и близких, становится слепым и глухим, лишается рассудка, всего себя отдавая во власть злу.

Читайте также:  Молитва о возвращении мужа в семью от любовницы: как быстро вернуть мужа

Так блуждала и Мария Египетская, пока ее совести не достиг тревожный набат покаяния. Полностью переменив направление пути, отрекшись себя, пройдя сквозь пустыню, иссушившую телесные страсти, в покаянии омыв сердечными слезами грехи, она достигла Небесного Царствия.

Мария Египетская, со сценами жития
Школа или худ. центр: Палех
Начало XIX в.
Дерево, левкас, темпера.
31.5 × 26.5 см
Собрание В. А. Бондаренко, Москва, Россия

Содержание страницы

Дни памяти святой

Таким образом, в церковном календаре есть непереходящий день ее памяти – 1 апреля по-старому стилю или 14 апреля по-новому стилю. Есть еще подвижный день воспоминания подвига святой жены-египтянки — в пятое воскресенье (по-славянски – в пятую Неделю) Великого поста. Этот день не имеет даты, т.к. пост ежегодно сдвигается в зависимости от Пасхалии.

Преподобная Мария Египетская
Из деисусного чина
Школа или худ. центр: Москва
Середина XVII в.
Дерево, темпера.
149 × 50 см
Центральный музей древнерусской культуры и искусства
им. Андрея Рублева, Москва, Россия
Инв. КП 2341
Происходит из храма Тверской старообрядческой общины в Москве.

Как читать акафист

Как почтить память святой подвижницы? Можно прочитать ей посвященный акафист. Это торжественное поэтическое славословие очень любимо церковным народом, и последние два столетия такой вид гимнографии широко распространен в церковном обиходе. Но в уставном богослужении предусмотрен только один акафист – Похвала Пресвятой Богородице. Поэтому чтение акафиста – это в большей степени келейная молитва.

Полезные материалы

Читают акафисты в честь того или иного святого или праздника из любви к святому, из благоговейной памяти события того или иного праздника, в благодарность за помощь, с тем чтобы усилить молитвенный труд в период поста, прибавляют акафист к своему ежедневному правилу. Читают акафист, прибавляя его к молитвенной подготовке ко Святому Причастию.

Каноны ежедневно присутствуют в суточном кругу богослужения, акафист не является уставным, т.е. обязательным чином. В богослужебный уставной круг включен только Акафист Пресвятой Богородице «Взбранной Воеводе…» в пятую великопостную субботу — Похвала Пресвятой Богородице. И еще один Акафист Страстям Господним совершается в чине пассии по вечерним воскресным службам в Великий пост.

Прибавлять акафист Марии Египетской к чтению последования ко Причастию постом вполне оправдано, ведь святая Мария прошла путем истинного покаяния, полной перемены себя, своих взглядов, полностью отказалась от греха. Поэтому, проходя поприще поста, испрашивая у Господа видения своих грехов и исправления себя, полезно приводить в молитвенную помощь себе святую подвижницу, снискавшую у Господа особую благодать. Но, в любом случае, определять себе келейное молитвенное правило лучше посоветовавшись со священником.

Преподобная Мария Египетская, с житием
Конец XIX в.
Дерево, темпера.
31 × 26.5 см
Владимиро-Суздальский историко-художественный
и архитектурный музей-заповедник, Владимир, Россия
Инв. В-17382

Читая акафист святой Марии Египетской, мы усиливаем свой молитвенный труд, больше времени отдаем молитве, что очень полезно для благого прохождения поста. Читая акафист святой, который является хвалебным молебствием, мы можем прибавлять и свои прошения, прося святую помолиться о нас и о наших нуждах перед Богом – единственным подателем всех благ.

О чём молятся преподобной

Молятся преподобной Марии в следующих случаях:

  • об избавлении от блудной страсти и от греха винопития;
  • преподобная помощница в испрашивании защиты при особенном бесовском нападении на плоть;
  • обращаются в безвыходных ситуациях и в заблуждениях, в поисках выхода из тупиковых житейских обстоятельств;
  • в поисках покаяния, исправления себя, просят помощи в примирении с Богом.

Блуд и прелюбодеяние – это смертные грехи. К сожалению, в наше время такого рода нарушение Божественного закона становится чуть ли не нормой. Грех и разнузданность тиражируются в телевизионных программах, греховное сожительство молодые сейчас называют «гражданским браком», даже не задумываясь, что это богопротивная связь.

Более того, святые называют блудом любое предательство Бога и любое нарушение Заповедей. Григорий Богослов говорит, что

Как же отчиститься от телесной и духовной грязи, как вымолить у Бога прощения? Только через покаяние, полный отказ от греха и приведение в помощь себе молитв святой заступницы Марии, которая в тысячу раз более нас потрудилась и помолилась, омыла душу потоками слез, принеся Богу искреннее покаяние.

Малое моление – акафист Марии Египетской – ограда от всяческого блуда, помощь в хранении сердца от нечистых помыслов и первый шаг к спасению.

Акафист Марии Египетской

Мария Египетская — христианская святая, покровительница кающихся женщин. Почитается в Православной, Католической и Англиканской церкви. В храме Гроба Господня в Иерусалиме построили часовню в честь Марии Египетской. В месте, где построена часовня, произошло обращение святой.

Святая Мария Египетская. Почитается как покровительница кающихся женщин

Блудная жизнь и раскаяние Марии Египетской

Мария Египетская родилась в середине V века в Египте. Когда ей было 12 лет Мария ушла из дома и стала блудницей, она покинула родителей и отправилась в Александрию, где стала блудницей.

Так она провела семнадцать лет своей жизни, пока однажды не встретила паломников, направляющихся в Иерусалим на праздник Воздвижения Креста Господня.

Присоединившись к ним из греховных побуждений, Мария прибыла в Иерусалим. Мария попыталась войти в храм Гроба Господня, но ей не удалось переступить и порог, так как некая сила не пускала ее.

Тогда Мария, осознав свое падение и грех, в котором жила, стала молиться перед иконой Богородицы в притворе храма. Только после этого ей удалось войти в храм и поклониться Животворящему Кресту.

Уходя, Мария вновь обратилась с молитвой к Богородице и вдруг услышала голос, который сказал ей:

«Если перейдешь за Иордан, то обретешь блаженный покой».

Приняв причастие, Мария перешла Иордан и поселилась в пустыне в полном уединении, где провела 47 лет. Первые 17 лет Марию не отпускали воспоминания о грехе и блудные страсти, в которых она жила.

«Когда я принималась за пищу, я мечтала о мясе и вине, какие ела в Египте; мне хотелось выпить любимого мною вина. Будучи в миру, много пила я вина, а здесь не имела и воды; я изнывала от жажды и страшно мучилась.

Иногда у меня являлось очень смущавшее меня желание петь блудные песни, к которым я привыкла. Тогда я проливала слезы, била себя в грудь и вспоминала обеты, данные мною при удалении в пустыню.»

Единственным человеком, видевшим Марию в пустыне, был иеромонах Иорданского монастыря Зосима.

Иеромонах Зосима и святая Мария Египетская. Зосима был единственным человеком, встретившим Марию в пустыни

Первая встреча с Зосимой: чудесное цитирование Писания Марией Египетской

Однажды в пустыню на время Великого поста удалился иеромонах Иорданского монастыря Зосима. Встретив Марию, Зосима отдал ей часть своего гиматия, чтобы та прикрыла свою наготу.

Во время молитвы святая наизусть цитировала Писание, что восхитило Зосиму и исполнило его благоговением. Иеромонах попросил Марию рассказать о своей жизни. Рассказав, она попросила Зосиму вернуться спустя год и причастить ее. Мария попросила монаха не переходить Иордан, а ожидать на другой стороне.

Вторая встреча. Причастие святой

Спустя год, Зосима пришел к Иордану в Великий четверг. Увидев Марию на другом берегу, монах долго думал, как же она сможет перейти реку без лодки.

Зосима причастил Марию. После причастия она попросила его прийти через год на первое место их встречи. Попрощавшись, святая ушла обратно в пустыню, вновь перейдя Иордан по воде.

Третья встреча. Смерть и похороны Марии

Зосима, как и просила Мария, через год пришел к первому месту их встречи. Придя, монах увидел бездыханное тело святой. Рядом с телом на песке была написана последняя ее просьба:

«Погреби, авва Зосима, на этом месте тело смиренной Марии, отдай прах праху».

Зосима понял, что после причастия Мария чудом перенеслась в этом место, до которого он шел 20 дней, и умерла.

Не сумев вырыть могилу, монах увидел рядом с телом льва. Тогда Зосима сказал ему:

«Великая подвижница повелела мне погрести ее тело, но я стар и не могу выкопать могилы; Выкопай же ты когтями своими могилу, и я погребу ее тело преподобной».

Лев послушал Зосиму и вырыл могилу для преподобной. Так тело Марии Египетской, удалившейся 47 лет назад в пустыню, было погребено в песках.

Вернувшись в монастырь, Зосима рассказал историю святой другим монахам. Предание о преподобной Марии передавалось в устной форме вплоть до VII века, пока не было записано Софронием Иерусалимским.

О чем молятся святой Марии

Молитва Марии Египетской о помощи помогает заблудшим преодолевать блудные страсти, пребывать в чувстве покаяния.

Икона преподобной помогает справиться с пороком блуда и прелюбодеяния, встать на путь праведной жизни, избавиться от любых зависимостей, будь то зависимость от алкоголя или никотина.

Тропарь Марии Египетской

Тропарь, глас 8

В тебе, мати, известно спасеся еже по образу,

Приимши бо крест, последовала еси Христу,

И деющи учила еси презирати убо плоть, преходит бо,

Прилежати же о души, вещи безсмертней.
Темже и со Ангелы срадуется, преподобная Марие, дух Твой.

Акафист преподобной Марии Египетской



Ака́фист преподо́бней Мари́и Еги́петстей

И збра́нней от Го́спода во о́браз спасе́ния всем гре́шным и отча́янным,/ из глубины́ греха́ восте́кшей на высоту́ безстра́стия,/ похва́льная пе́ния прино́сим ти, ма́ти преподо́бная,/ ты же, я́ко иму́щи дерзнове́ние к Ще́дрому Бо́гу,/ моли́твами твои́ми наста́ви на стезю́ покая́ния любо́вию тебе́ зову́щих:// Р а́дуйся, чу́до милосе́рдия Бо́жия, Мари́е равноа́нгельная.

А́ нгела во пло́ти узре́в тя в пусты́ни Иорда́нстей вели́кий Зоси́ма, на возду́се стоя́щую и о ми́ре моля́щуюся, со удивле́нием и у́жасом одержи́мь весь тре́петом быв, со слеза́ми вопия́ше тебе́ такова́я:

Р а́дуйся, благода́ти и све́та испо́лненная;

ра́дуйся, прозре́ния да́ром украше́нная.

Ра́дуйся, в моли́тве твое́й на возду́се стоя́щая;

ра́дуйся, пусты́нное сокро́вище, от ми́ра утае́нное.

Ра́дуйся, безпло́тных собесе́днице;

ра́дуйся, Ду́ха Свята́го селе́ние.

Р а́дуйся, чу́до милосе́рдия Бо́жия, Мари́е равноа́нгельная.

В и́дящи ста́рца благогове́йнаго, у́жаса испо́лнена, ти́хим гла́сом рекла́ еси́ тому́, преподо́бная: не бо́йся, а́вво Зоси́мо, несмь дух, но земля́, прах и пе́пел, и вся́чески плоть, ничто́же духо́вное когда́ помы́слившая и ни еди́ныя доброде́тели иму́щая. Жена́ есмь гре́шница, недосто́йная взира́ти на Не́бо, и со стра́хом гре́шными усты́ зову́ Бо́гу: А ллилу́ия.

Р азуме́ти ища́ ди́вную та́йну, в тебе́ сокрове́нную, ста́рец паде́ пред нога́ма твои́ма, глаго́ля: заклина́ю тя и́менем Го́спода на́шего Иису́са Христа́, Его́же ра́ди наготу́ но́сиши сию́, не скрый от мене́ жития́ твоего́, да вели́чия Бо́жия я́ве сотвори́ши. С ни́мже и мы дерза́ем ублажа́ти тя си́це:

Р а́дуйся, смире́ния све́тлая высото́;

ра́дуйся, дарова́ний духо́вных бога́тство неисчерпа́емое.

Ра́дуйся, любве́ ра́ди Бо́жия те́ло свое́ умерщвля́вшая;

ра́дуйся, в пусты́ни непрохо́дней еди́на с еди́ным Бо́гом пребыва́вшая.

Ра́дуйся, ра́йскою красото́ю сия́ющая;

ра́дуйся, безстра́стия све́том озаре́нная.

Р а́дуйся, чу́до милосе́рдия Бо́жия, Мари́е равноа́нгельная.

С и́лою Вы́шняго укрепля́ема, испове́м ти, челове́че Бо́жий, грехи́ и беззако́ния моя́, отвеща́ла еси́ Зоси́ме, стыжду́ся, о́тче, прости́ мя, но поне́же те́ло мое́ на́го ви́дел еси́, обнажу́ ти и дела́ моя́, оба́че молю́ тя пе́рвее: не бежи́ от мене́, не терпя́ слы́шати безме́стная, я́же аз соде́ях; но, милосе́рдствуя о мне, моли́ся за мя блу́дную и Бо́гу, не возгнуша́вшемуся мно́ю, зови́: А ллилу́ия.

И ме́я милосе́рдие неизрече́нное, с мытари́ и гре́шники вечеря́вый, Той и мне, во глубину́ поги́бели па́дшей, простре́ ру́ку Свою́ Боже́ственную, егда́ бо возжела́х аз вни́ти в храм Госпо́день, не́кая си́ла возбрани́ ми вход, се́рдца же моего́ косну́выйся свет ра́зума, показа́ ми ти́ну дел мои́х; и нача́х пла́катися о гресе́х, в пе́рси бию́щи и го́рько рыда́ющи, си́це рекла́ еси́, Мари́е. Мы же, покая́нию твоему́ дивя́щеся, пе́ние прино́сим ти таково́е:

Р а́дуйся, я́ко но́щи преше́дшей возсия́ ти заря́ спасе́ния;

ра́дуйся, я́ко глас Христо́в призва́ овча́ заблу́ждшее от де́брей греха́.

Ра́дуйся, я́ко сле́зными то́ки омы́ла еси́ вся твоя́ скве́рны;

ра́дуйся, я́ко слеза́ми твои́ми очи́стила еси́ одея́ние души́ твоея́.

Ра́дуйся, я́ко Оте́ц щедро́т объя́тия Своея́ любве́ тебе́ отве́рзе;

ра́дуйся, я́ко ве́дый твоя́ та́йная рукописа́ния грехо́в твои́х раздра́.

Р а́дуйся, чу́до милосе́рдия Бо́жия, Мари́е равноа́нгельная.

Б у́рею ско́рбных помысло́в одержи́ма, узре́ла еси́ ико́ну Пречи́стыя Богома́тере и, стеня́щи, воззвала́ еси́ к Ней: повели́, о Влады́чице, да и мне недосто́йней отве́рзутся Боже́ственнии вхо́ды, и бу́ди ми Пору́чница, да узре́вши Крест Сы́на Твоего́, ми́ра и я́же в ми́ре всего́ отве́ргуся и изы́ду, а́може повели́ши мне, зову́щи Бо́гу: А ллилу́ия.

С лы́шавши глас, издале́ча глаго́лющ: а́ще Иорда́н пре́йдеши, добр поко́й обря́щеши, на коле́на па́дши пред Присноде́вою, рекла́ еси́: о Влады́чице! Не гнуша́ется де́вственная чиcтота́ Твоя́ моея́ недосто́йныя моли́твы, бу́ди ми спасе́ния Учи́тельница, руково́дствующая на путь покая́ния! Те́мже у́бо А́нгели Бо́жии, напису́юще испове́дание твое́, возглаша́ху тебе́ в той час сицева́я:

Р а́дуйся, от тьмы греха́ к чи́стому све́ту покая́ния преше́дшая;

ра́дуйся, неи́стовство страсте́й и нечистоту́ плотску́ю отри́нувшая.

Ра́дуйся, тя́жкое бре́мя сту́дныя рабо́ты диа́воли отве́ргшая;

ра́дуйся, благо́е и ле́гкое и́го Христо́во подъе́мшая.

Ра́дуйся, от сме́рти грехо́вныя к ве́чному животу́ возста́вшая;

ра́дуйся, от врат поги́бели ко врато́м рая́ возше́дшая.

Р а́дуйся, чу́до милосе́рдия Бо́жия, Мари́е равноа́нгельная.

Б огосве́тлыми луча́ми благода́ти просвеща́ет тя Пресвята́я Де́ва, Та бо Спору́чница гре́шных к Бо́гу су́щи, отверза́ет тебе́ две́ри милосе́рдия Бо́жия и врата́ хра́ма свята́го, во́ньже вше́дши, со мно́гими слеза́ми поклони́лася еси́ Живоно́сному Дре́ву, и́мже мир спасе́н бысть, и распе́ншемуся Го́споду, Кровь Свою́ за твое́ избавле́ние излия́вшему, благода́рственно воспе́ла еси́: А ллилу́ия.

В и́девши та́йны Бо́жия и ка́ко Той гото́в есть приима́ти ка́ющихся, всехва́льная Мари́е, воззвала́ еси́ всем се́рдцем: Влады́чице Богоро́дице! Не оста́ви мене́! И устреми́лася еси́ в пусты́ню об он пол Иорда́на, мы же, почита́юще бе́гство твое́, срета́ем тя пе́нии си́ми:

Р а́дуйся, я́ко всепроща́ющею любо́вию Спа́са ура́нися се́рдце твое́;

ра́дуйся, я́ко сокро́вище благода́ти, тобо́ю прия́тое, потща́лася еси́ сокры́ти в пусты́ни.

Ра́дуйся, я́ко ми́ра грехо́вныя сла́дости скороте́чно отбе́гла еси́;

ра́дуйся, я́ко невозвра́тное ше́ствие твое́ к Небе́сным на всяк день ускоря́ла еси́.

Ра́дуйся, я́ко ре́вностный исхо́д твой де́моны опали́;

ра́дуйся, я́ко вселе́ние твое́ в ско́рбную пусты́ню Небеса́ возвесели́.

Р а́дуйся, чу́до милосе́рдия Бо́жия, Мари́е равноа́нгельная.

П ропове́дуеши всем па́дшим и отча́янным, всечестна́я, Бо́жие человеколю́бие, и явля́еши си́лу покая́ния, е́же гре́шную ду́шу омыва́ет, очища́ет, све́тлит, и возво́дит горе́, и весе́лие твори́т А́нгелом Бо́жиим, с ни́миже и мы бре́нными усты́ зове́м: А ллилу́ия.

В озсия́ ми́рови от пусты́ни Иорда́нския свет вели́ких по́двигов твои́х, Мари́е присносла́вная, мно́гая бо ле́та, а́ки адама́нт тверд и столп непоколеби́мь пребыла́ еси́, я́ко со зверьми́ лю́тыми, с похотьми́ твои́ми борю́щися и ору́жием креста́ отража́ющи разжже́нныя стре́лы лука́ваго. Сего́ ра́ди дивя́щеся преесте́ственному терпе́нию твоему́, любо́вию зове́м ти:

Р а́дуйся, я́ко злострада́ния труд в пусты́ни четы́редесять и осмь лет понесла́ еси́;

ра́дуйся, я́ко опале́ние со́лнечное и мраз нощны́й в наготе́ долготерпе́ла еси́.

Ра́дуйся, гла́дом и жа́ждею изможда́емая;

ра́дуйся, покро́вом Богоро́дицы от сме́рти охраня́емая.

Читайте также:  Молитвы иконе Пресвятой Богородице "Нерушимая стена" - священные тексты Богоматери об укреплении веры, защите от бедствий

Ра́дуйся, я́ко в борьбе́ со грехо́м, в тебе́ живу́щим, до кро́ве подвиза́лася еси́;

ра́дуйся, я́ко вся́кое пожела́ние пло́ти коне́чне умертви́ла еси́.

Р а́дуйся, чу́до милосе́рдия Бо́жия, Мари́е равноа́нгельная.

Х отя́ препя́тие сотвори́ти твоему́ све́тлому к Небеси́ ше́ствию, всеблаже́нная, иско́нный враг ро́да челове́ческаго не престая́ше влага́ти ти по́мыслы нечи́стыя, огнь грехо́вный в удесе́х твои́х разжиза́я и приводя́ тебе́ на па́мять о́бразы пре́жняго жития́ твоего́. Ты же, многострада́льная, поверга́лася еси́ на зе́млю, слеза́ми ороша́ющи ю́ и призыва́ющи в по́мощь Присноде́ву, и не востава́ла еси́ от земли́, до́ндеже сла́дкий свет осиява́ше тя, воздвиза́я благода́рственно пе́ти Бо́гу: А ллилу́ия.

Н о́вый челове́к, по Бо́зе созда́нный, яви́лася еси́, преподо́бная, умертви́вши бо всеконе́чне ве́тхаго челове́ка, во Христа́ облекла́ся еси́, всечу́дная, за седмьна́десять лет безчи́сленныя беды́ пострада́вши. О сем у́бо Зоси́ме рекла́ еси́: отто́ле же и до днесь си́ла Бо́жия гре́шную мою́ ду́шу и те́ло смире́нное соблюде́. Приими́ у́бо и от нас недосто́йных похвалы́ сицевы́я:

Р а́дуйся, я́ко умертви́ла еси́ страсте́й взыгра́ния;

ра́дуйся, я́ко победи́ла еси́ и са́мое естество́.

Ра́дуйся, я́ко очи́стила еси́ ду́шу и плоть твою́ от вся́каго греха́;

ра́дуйся, я́ко в хра́мине всели́ся Госпо́дь.

Ра́дуйся, я́ко облекла́ся еси́ в оде́жду весе́лия духо́внаго;

ра́дуйся, я́ко вошла́ еси́ в ве́чный поко́й Сы́на Бо́жия.

Р а́дуйся, чу́до милосе́рдия Бо́жия, Мари́е равноа́нгельная.

С тра́нное и пресла́вное измене́ние твое́, преподо́бная, ви́дяще, де́монов те́мныя полцы́ го́рько рыда́ху, вся же Си́лы Небе́сныя ра́достию игра́юще, песнь Христу́ воспева́ху, прославля́юще Бо́жие милосе́рдие, грехми́ людски́ми неодоли́мое, ве́лиим гла́сом зову́ще: А ллилу́ия.

В ся была́ еси́ в Бо́зе, Мари́е всебога́тая, егда́ Зоси́ма, обходя́ пусты́ню, ви́дети тя сподо́бися. Заклина́ю тя, о́тче, Спаси́телем Бо́гом, да никому́же рече́ши, я́же слы́шал еси́ от мене́, до́ндеже Бог от земли́ во́змет мя, запове́дала еси́ тому́. Ны́не с ми́ром отыди́, в посте́ же гряду́щаго ле́та причасти́ мя Святы́х Христо́вых Та́ин на бре́зе Иорда́нстем. Сия́ ре́кши, а́ки го́рлица пустыннолюби́вая и неудержи́мая, от о́чию ста́рца скры́лася еси́, той же поклони́ся до земли́ и, облобыза́в ме́сто, иде́же стоя́сте но́зе твои́, воззва́ такова́я:

Р а́дуйся, я́ко студа́ грехо́внаго обнажи́лася еси́;

ра́дуйся, я́ко па́че сне́га убели́лася еси́.

Ра́дуйся, я́ко омраче́ние стра́стное препобеди́ла еси́;

ра́дуйся, я́ко па́че луче́й со́лнечных просвети́лася еси́.

Ра́дуйся, пе́рвее блудни́ца, ны́не же неве́ста Христо́ва;

ра́дуйся, я́ко вси греси́ твои́ проще́ни суть у Бо́га.

Р а́дуйся, чу́до милосе́рдия Бо́жия, Мари́е равноа́нгельная.

В сяк по́мысл и ум ужаса́ют боле́зни твоя́, всехва́льная, ка́ко труд пусты́ни любве́ ра́ди Бо́жия претерпе́ла еси́, взыва́ше превели́кий во отце́х Зоси́ма, рыда́я. О ма́ти духо́вная! Ты Бо́гу прибли́зилася еси́, хоте́л бых, а́ще бы мо́щно ми бы́ло, во след тебе́ ходи́ти, и зре́ти честно́е лице́ твое́, и ку́пно с тобо́ю немо́лчно пе́ти: А ллилу́ия.

В ети́йство земноро́дных не довле́ет к досто́йному похвале́нию твои́х по́двигов, всечестна́я. Кто же дово́лен изрещи́ сле́зныя то́ки, я́же пролия́ла еси́ в моли́твах к Бо́гу, кто боле́зни твоя́ изочте́т, кто испове́сть всено́щная бде́ния, боре́ния и тесноту́ жития́ твоего́? Пусты́ню всю чудесы́ просвети́вши, я́ко со́лнце, просия́ла еси́, всечу́дная, тем у́бо мо́лим тя: озари́ луча́ми све́та твоего́ сердца́ на́ша и испроси́ оставле́ние грехо́в всем вопию́щим тебе́ такова́я:

Р а́дуйся, помраче́нный о́браз Бо́жий в све́тлости вели́цей в себе́ возобрази́вшая:

ра́дуйся, смра́да греха́ избе́гши, Небе́сными арома́ты благоуха́ющая.

Ра́дуйся, звезда́ми чуде́с украше́нная;

ра́дуйся, луча́ми доброде́телей сия́ющая.

Ра́дуйся, вели́чия Бо́жия всем конце́м земли́ благовеству́ющая;

ра́дуйся, Не́бо и зе́млю к пе́нию сла́вы Го́спода твоего́ призыва́ющая.

Р а́дуйся, чу́до милосе́рдия Бо́жия, Мари́е равноа́нгельная.

С паси́теля Бо́га Животворя́щия Те́ло и Кровь взем, в день та́инственныя Христо́вы Ве́чери а́вва Зоси́ма по завеща́нию твоему́, преподо́бная ма́ти, в ве́чер зело́ по́зден изы́де на брег Иорда́на, неукло́нно в пусты́ню лу́нным све́том осиява́емую, зря и моля́ся к Бо́гу, глаго́лаше: покажи́ ми, Го́споди, сокро́вище Твое́, е́же в пусты́ни сокры́л еси́! Покажи́ ми а́нгела во пло́ти, да не отыду́ тощ, нося́ моя́ грехи́ на обличе́ние, но да ра́дуяся, зову́ Тебе́: А ллилу́ия.

С те́ну непрохо́дну мы́сляше ста́рец бы́ти Иорда́н реку́ между́ ним и тобо́ю, преподо́бная; оба́че ты, ста́вши на бре́зе да́льнем, зна́мением кре́стным Иорда́н осени́ла еси́ и с моли́твою пошла́ еси́ по воде́, а́ки по су́ху. Зоси́ма же, ви́дев тя, гряду́щу по вода́м Иорда́нским, ужасе́ся и ра́достне вопия́ше тебе́:

Р а́дуйся, Го́рняго рая́ Бо́жия обита́тельнице;

ра́дуйся, я́ко тварь повину́ется веле́нию твоему́.

Ра́дуйся, я́ко Иорда́н тебе́ слу́жит;

ра́дуйся, я́ко луна́ и зве́зды дивя́тся святы́ни твое́й.

Ра́дуйся, си́лы Бо́жия ди́вное проявле́ние;

ра́дуйся, Бо́га Жива́го хра́ме одушевле́нный.

Р а́дуйся, чу́до милосе́рдия Бо́жия, Мари́е равноа́нгельная.

П е́ние подоба́ет тебе́ приноси́ти Всемогу́щему Бо́гу, а́вво, рекла́ еси́ тому́, по воде́ ше́ствующи. Что твори́ши, свяще́нник сый, ка́ко хо́щеши кла́нятися мне убо́зей, сам нося́й стра́шныя Та́йны Христа́ Бо́га! И́мже ве́рою и любо́вию покланя́ющися, прах и земля́ су́щи, со стра́хом зову́: А ллилу́ия.

С ве́том Небе́сным блиста́ющися, причасти́лася еси́ Боже́ственных Та́ин и ра́дости преми́рныя испо́лнившися и на не́бо ру́це возде́вши, рекла́ еси́: ны́не отпуща́еши рабу́ твою́, Влады́ко! Обра́щшися же к ста́рцу, веща́ла еси́: о а́вво Зоси́мо! В гряду́щее ле́то у́зриши мя па́ки в пусты́ни, я́коже хо́щет Госпо́дь. Моли́ Его́ о мне, о́тче мой, моли́, помина́я всегда́ мое́ окая́нство. И па́ки Иорда́н зна́менавши, прешла́ еси́ верху́ воды́, ста́рец же, не сме́я надо́лзе держа́ти тя, стеня́ и рыда́я, взыва́ше во след тебе́ такова́я:

Р а́дуйся, ме́ртвость Го́спода Иису́са в те́ле нося́щая;

ра́дуйся, Воскресе́ния Его́ сла́вою сия́ющая.

Ра́дуйся, благода́тию, я́ко ри́зою све́та, облече́нная;

ра́дуйся, светоза́рная оби́тель Всесвяты́я Тро́ицы.

Ра́дуйся, я́ко си́лы а́довы ужаса́ются и трепе́щут сла́вы твоея́;

ра́дуйся, я́ко А́нгели Бо́жии дивя́тся чистоте́ твое́й.

Р а́дуйся, чу́до милосе́рдия Бо́жия, Мари́е равноа́нгельная.

Б лагода́тию Боже́ственною окриля́ема, во еди́н час долготу́ пусты́ни прешла́ еси́ и в нощь спаси́тельныя Христо́вы Стра́сти, по причаще́нии Боже́ственныя Та́йныя Ве́чери, сном святы́м усну́ла еси́, о ми́ре моля́щися, и дух твой Го́споду предала́ еси́, Ему́же со А́нгелы в неисповеди́мей ра́дости зове́ши ны́не: А ллилу́ия.

П оя́ надгро́бное пе́ние, богому́дрый Зоси́ма но́зе твои́ честне́и слеза́ми омыва́ше, и мно́го моли́вся, покры́ те́ло твое́ земле́ю, на́го су́щее и ничто́же иму́щее, то́чию ве́тхую ма́нтию, ю́же испе́рва тебе́ даде́, ра́достию и стра́хом мно́гим одержи́мь, вели́чию Бо́жию дивя́ся, стоя́ше, зовы́й к тебе́ такова́я:

Р а́дуйся, я́ко, ча́до све́та су́щи, прешла́ еси́ к Све́ту Невече́рнему;

ра́дуйся, я́ко дух твой с весе́лием прия́ша со́нмы святы́х.

Ра́дуйся, я́ко те́ло твое́ упоко́ися во гро́бе, и́же лев от пусты́ни тебе́ ископа́;

ра́дуйся, я́ко тобо́ю показа́ нам Госпо́дь, коли́ко отстои́м от ме́ры соверше́нства.

Ра́дуйся, по́стников высото́ и преподо́бных сла́во;

ра́дуйся, о всем ми́ре к Бо́гу хода́таице.

Р а́дуйся, чу́до милосе́рдия Бо́жия, Мари́е равноа́нгельная.

О преподо́бная ма́ти, богоблаже́нная Мари́е! Приими́ от нас ны́не приноси́мое тебе́ моле́ние и, Свету непристу́пному предстоя́щи, моли́ся Всеще́дрому Бо́гу, да по вели́цей ми́лости Свое́й, низпо́слет светоза́рную благода́ть покая́ния всем нам, заблу́ждшим ча́дом Небе́снаго Отца́, да от греха́ к Оте́ческому до́му восте́кше, в ра́йских селе́ниих сподо́бимся вку́пе с тобо́ю во ве́ки благода́рственно пе́ти Ему́: А ллилу́ия.

Сей конда́к глаго́лется три́жды.
И па́ки чте́тся и́кос 1-й, и конда́к 1-й.

О вели́кая Христо́ва уго́днице, преподо́бная ма́ти Мари́е! На Небеси́ Престо́лу Бо́жию предстоя́щи, на земли́ же ду́хом любве́ с на́ми пребыва́ющи, иму́щи дерзнове́ние ко Го́споду, моли́ спасти́ рабы́ Его́, к тебе́ с любо́вию притека́ющия. Испроси́ нам у Многоми́лостиваго Влады́ки и Го́спода на́шего ве́ры непоро́чное соблюде́ние, градо́в и ве́сей на́ших утвержде́ние, от гла́да и па́губы избавле́ние, скорбя́щим утеше́ние, неду́гующим исцеле́ние, па́дшим возста́ние, заблу́ждшим вразумле́ние, в де́лех благи́х преспе́яние и благослове́ние, сирота́м и вдови́цам заступле́ние и отше́дшим от сего́ жития́ ве́чное упокое́ние. Бу́ди кре́пкая хода́таица, ди́вная ма́ти Мари́е, во е́же всем нам в день Стра́шнаго Суда́ десны́я страны́ о́бщники бы́ти и блаже́нный глас Судии́ ми́ра услы́шати: прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра. А ми́нь.

Акафист Марии Египетской – священные тексты святой об обретении душевного покоя и внутреннем мире

  • ЖАНРЫ 359
  • АВТОРЫ 257 288
  • КНИГИ 589 906
  • СЕРИИ 21 963
  • ПОЛЬЗОВАТЕЛИ 548 555

Молитвослов на русском языке

Встав от сна, прежде всякого другого дела, стань благоговейно, представляя себя перед Всевидящим Богом, и, совершая крестное знамение, произнеси:

Во имя Отца и Сына и Святого Духа. Аминь.

Затем немного подожди, пока все чувства твои придут в тишину и мысли оставят всё земное, и тогда произноси следующие молитвы, без поспешности и со вниманием сердечным.

(Евангелие от Луки, глава 18, стих 13)

Боже, будь милостив ко мне, грешнику! (Поклон)

Господь Иисус Христос, Сын Божий, по молитвам Пречистой Твоей Матери и всех святых, помилуй нас. Аминь.

Слава Тебе, Боже наш, слава Тебе.

Царь Небесный, Утешитель, Дух Истины, везде сущий и всё Собою наполняющий, Источник благ и жизни Податель, приди и вселись в нас, и очисти нас от всякой скверны, и спаси, Благий, души наши.

Святый Боже, Святый Крепкий, Святый Бессмертный, помилуй нас.

(Читается Трижды, с крестным знамением и поясным Поклоном).

Слава Отцу и Сыну и Святому Духу, и ныне, и всегда, и во веки веков. Аминь.

Пресвятая Троица, помилуй нас; Господи, очисти грехи наши; Владыка, прости беззакония наши; Святой, приди и исцели немощи наши, Имени Твоего ради!

Господи, помилуй. (Трижды) Слава, И ныне[3].

Отче наш, Сущий на небесах! Да святится имя Твоё, да придёт Царствие Твоё, да будет воля Твоя и на земле, как на небе. Хлеб наш насущный дай нам на этот день; и прости нам долги наши, как и мы прощаем должникам нашим; и не дай впасть в искушение, но избавь нас от лукавого.

Восстав от сна, припадаем к Тебе, Благий, и ангельскую песнь приносим Тебе, Сильный: Свят, Свят, Свят Ты, Боже, по молитвам Богородицы помилуй нас.

Слава: От сна ночного поднял меня Ты, Господи, – ум мой просвети и сердце, и уста мои отверзи, дабы воспевать Тебя, Святая Троица: Свят, Свят, Свят Ты, Боже, по молитвам Богородицы помилуй нас!

И ныне: Внезапно Судия придёт, и дела каждого обнажатся, но и со страхом зовём в полуночи: свят, свят, свят Ты, Боже, по молитвам Богородицы помилуй нас!

Господи, помилуй. (12 раз)

От сна восстав, благодарю Тебя, Святая Троица, ибо по великой Твоей благости и долготерпенью Ты, Господи, не прогневался на меня, ленивого и грешного, и не погубил меня со беззакониями моими, но как всегда явил Своё человеколюбие, и от сна ночного поднял меня, чтобы я возносил Тебе молитву утреннюю и славословил могущество Твоё. И ныне просвети мои очи мысленные, отверзи уста мои поучаться словам Твоим, и понимать заповеди Твои, и творить волю Твою, и, исповедуя Тебя всем сердцем моим, воспевать всесвятое имя Твоё, Отца и Сына и Святого Духа, ныне, и всегда, и во веки веков. Аминь.

Придите, Поклонимся Царю нашему – Богу. (Поклон)

Придите, Поклонимся и припадём к Христу, Царю нашему – Богу. (Поклон)

Придите, Поклонимся и припадём к Самому Христу, Царю и Богу нашему. (Поклон)

Помилуй меня, Боже, по великой милости Твоей, и по множеству щедрот Твоих очисти беззакония мои. Омой меня от всех беззаконий моих, и от греха моего очисти меня. Ибо беззакония мои я знаю, и грех мой всегда предо мною. Пред Тобой одним согрешил я, и злое пред Тобою сотворил я, так что Ты прав в приговоре Своём и справедлив в суде Своём. С самого рождения моего я виновен пред Тобою; я – грешник от зачатия моего в чреве матери моей. Но Ты любишь искренних сердцем и открываешь им тайны премудрости. Окропи меня иссопом, и буду чист, омой меня, и белее снега я стану. Верни душе моей радость и веселие, – и возрадуются кости мои, Тобою сокрушённые. Отврати лицо Твоё от грехов моих и все беззакония мои очисти. Сердце чистое создай во мне, Боже, и дух правый обнови во мне. Не отвергни меня от лица Твоего, и Духа Твоего Святого не отними от меня. Верни мне радость спасения Твоего и Духом Твоим Владычественным утверди меня. Научу беззаконных путям Твоим, и нечестивые к Тебе обратятся. Избавь меня от преждевременной смерти, Боже, Боже спасение моё, и язык мой восхвалит правду Твою. Господи! Отверзи уста мои, и уста мои возвестят хвалу Тебе. Ибо не желаешь Ты жертвы – я дал бы её – и к всесожжениям не благоволишь. Жертва Богу – дух сокрушённый, сердца сокрушённого и смиренного Бог не уничижит. Обнови, Боже, по милости Твоей Сион, воздвигни стены Иерусалима. Тогда благоугодны будут Тебе жертвы праведные; тогда возложат на алтарь Твой жертвы Тебе.

Верую в единого Бога Отца, Вседержителя, Творца неба и земли, видимого всего и невидимого. И во единого Господа Иисуса Христа, Сына Божия, Единородного, от Отца рождённого до начала времени; Света от Света, Бога истинного от Бога истинного, рождённого, не сотворённого, единосущного Отцу, через Которого всё было сотворено.

Нас ради людей и нашего ради спасения сошедшего с небес и воплотившегося от Духа Святого и Марии Девы, и ставшего человеком. Распятого же за нас при Понтии Пилате, и страдавшего, и погребённого, и воскресшего в третий день, как предсказывали Писания. И восшедшего на небеса и царствующего с Отцом. И вновь грядущего во славе, чтобы судить живых и мёртвых, Его же царству не будет конца. И в Духа Святого, Господа, Животворящего, от Отца исходящего, с Отцом и Сыном равно Поклоняемого и прославляемого, говорившего через пророков.

В единую Святую, Соборную и Апостольскую Церковь. Исповедую единое крещение в оставление грехов. Чаю воскресения мёртвых, и жизни будущего века. Аминь.

Боже, очисти меня, грешного, ибо ничего истинно доброго я не сделал никогда пред Тобою: но избавь меня от всякого зла, и да будет во мне воля Твоя, да неосуждённо отверзу уста мои недостойные и восхвалю имя Твоё Святое, Отца и Сына и Святого Духа, ныне, и всегда, и во веки веков. Аминь.

От Пасхи до Вознесения вместо этой молитвы читается тропарь: «Христос воскрес из мёртвых, смертью смерть поправ, и сущим во гробах живот даровав» (Трижды).

От Вознесения до Троицы начинаем молитвы со «Святый Боже…», опуская все предшествующие. Это замечание относится и к молитвам на сон грядущим.

Вместо этой молитвы от Пасхи до Вознесения читается Трижды тропарь Пасхи «Христос воскрес», от Вознесения же до дня святой Пятидесятницы после начального возгласа сразу читается Трисвятое.

Когда написано «Слава:», «И ныне:», надо читать полностью: «Слава Отцу и Сыну и Святому Духу», «И ныне, и всегда, и во веки веков. Аминь»

Ссылка на основную публикацию