Акафист Покрову Пресвятой Богородице

Акафист Покрову Пресвятой Богородицы

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.

О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Тропарь Покрову Пресвятой Богородицы

Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.

Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.

Акафист Покрову Божией Матери

Конда́к 1

Избра́нней предве́чным Царе́м, превы́шшей вся́каго созда́ния, небесе́ и земли́ Цари́це, прише́дшей иногда́ во Влахе́рнскую це́рковь на моли́тву, досто́йное поклоне́ние с благодаре́нием принося́ще, я́ко во тме́ су́щии, под Тво́й светя́щийся омофо́р с ве́рою и умиле́нием прибега́ем. Ты́ же, я́ко иму́щи держа́ву непобеди́мую, от вся́ких на́с бе́д свобожда́й, да зове́м Ти́:

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Арха́нгел и а́нгел мно́жество, с Предте́чею, Богосло́вом и все́х святы́х ли́ком сопредста́ша Тебе́, Цари́це свое́й, в це́ркви Влахе́рнстей и, умиле́нная моле́ния Твоя́ о все́м ми́ре слы́шавше, со удивле́нием возопи́ша такова́я:

Ра́дуйся, Бо́га Отца́ безнача́льнаго предве́чное благоволе́ние; ра́дуйся, Бо́га Сы́на безле́тнаго пречи́стое вмести́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рних чино́в а́нгельских непрестаю́щее удивле́ние.

Ра́дуйся, те́мных си́л а́дских всегро́зное устраше́ние; ра́дуйся, Ю́же на возду́се срета́ют многоочи́тии херуви́ми.

Ра́дуйся, Е́йже похва́льная воспису́ют шестокрила́тии серафи́ми; ра́дуйся, Ея́же преблаго́му покро́ву и мы́, земноро́днии, благода́рне покланя́емся.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Ви́девше Тя́ святы́й Андре́й со Епифа́нием в це́ркви на возду́се за христиа́ны Бо́гу моля́щуюся, позна́ша, я́ко Ма́терь еси́ возне́сшагося на не́бо Христа́ Бо́га на́шего, и, припа́дше на зе́млю, ра́достно покланя́хуся всеблаго́му покро́ву Твоему́, зову́ще: Аллилу́иа.

Ра́зум недоразумева́емый еси́, Богоро́дице Де́во, в защище́нии люде́й правосла́вных, сего́ ра́ди врази́ на́ши и не познаю́т, ко́ль сильна́ е́сть моли́тва Бо́жия Ма́тере. Мы́ же, о Твое́м всемо́щнем заступле́нии до́бре ве́дуще, си́це к Тебе́ со умиле́нием зове́м:

Ра́дуйся, премилосе́рдая уте́шительнице все́х скорбя́щих и обремене́нных; ра́дуйся, неусыпа́ющая наста́внице все́х заблу́ждших и ослепле́нных.

Ра́дуйся, пра́ведно дви́жимый гне́в Бо́жий на на́с Твои́м моле́нием ско́ро утоля́ющая; ра́дуйся, злы́я стра́сти на́ша всемо́щным манове́нием укроща́ющая.

Ра́дуйся, кре́пкое возбужде́ние спя́щих со́вестей; ра́дуйся, нетру́дное преодоле́ние беззако́нных на́выков.

Ра́дуйся, Ея́же ра́ди а́д стене́т и ду́си зло́бы трепе́щут; ра́дуйся, Ея́же ра́ди врата́ рая́ все́м на́м отверза́ются.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Си́ла Вы́шняго осеня́ет с ве́рою и благогове́нием прибега́ющих к Твоему́ всечестно́му покро́ву: еди́ней бо то́чию Тебе́, Пресвяте́й и Пречи́стей Ма́тери Бо́жией, даде́ся, да вся́кое проше́ние Твое́ испо́лнится. Те́м у́бо вся́к во́зраст ве́рных славосло́вит Тя́ и Сы́на Твоего́, зову́щь: Аллилу́иа.

Иму́щи бога́тство милосе́рдия неоску́дное, все́м конце́м земли́ простира́еши ру́ку по́мощи, Влады́чице: боля́щим — исцеле́ние, стра́ждущим — осла́бу, слепы́м — прозре́ние и все́м вся́, по коего́ждо потре́бе подае́ши, благода́рне вопию́щим:

Ра́дуйся, правосла́вия несокруши́мая кре́посте и огра́до; ра́дуйся, святы́х хра́мов и олтаре́й пе́рвейшее украше́ние.

Ра́дуйся, благоче́стия верне́йшее огражде́ние; ра́дуйся, благосе́рдых градоправи́телей неусыпа́ющая споспе́шнице.

Ра́дуйся, непобеди́мая воево́до вожде́й и во́инств христиа́нских; ра́дуйся, свято́е зерца́ло пра́вды судия́м немздоприи́мным.

Ра́дуйся, соверше́нный ра́зуме наста́вников и детоводи́телей; ра́дуйся, благослове́ние домо́в и семе́йств благочести́вых.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Бу́рею мно́гих бе́д одержи́мым на́м помога́еши, Влады́чице: стои́ши бо пред лице́м олтаря́ Госпо́дня, воздви́гши ру́це Твои́ и мо́лишися, я́ко да на́шу недосто́йную моли́тву при́зрит Госпо́дь, Ца́рь сла́вы, и послу́шает проше́ния призыва́ющих и́мя Твое́ свято́е, к Сы́ну же Твоему́ зову́щих: Аллилу́иа.

Услы́ша Госпо́дь Бо́г Иису́са Нави́на моля́щася, и повелева́юща со́лнцу ста́ти, до́ндеже отмсти́т враго́м. Слы́шит и Твоя́ ны́не моле́ния Госпо́дь Иису́с, избра́нная пала́то Ду́ха Свята́го. Те́мже и мы́, гре́шнии, на Тво́й наде́ющеся покро́в, Тебе́, я́ко Бо́жией Ма́тери, глаго́лати дерза́ем:

Ра́дуйся, от Со́лнца мы́сленнаго озаре́нная и на́с све́том незаходи́мым просвеща́ющая; ра́дуйся, сия́нием пречи́стыя души́ Твоея́ всю́ зе́млю просвети́вшая.

Ра́дуйся, чистото́ю телесе́ Твоего́ вся́ небеса́ возвесели́вшая; ра́дуйся, святы́х оби́телей Христо́вых покро́в и снабде́ние.

Ра́дуйся, ве́рных па́стырей Це́ркве бо́дрость и вразумле́ние; ра́дуйся, богобоя́зненных и́ноков и и́нокинь наста́внице.

Ра́дуйся, невозмуща́емое успокое́ние благогове́йных ста́рцев; ра́дуйся, та́йное весе́лие чи́стых де́в и вдови́ц.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Богови́дец Моисе́й во ополче́нии иногда́ на Амали́ка, егда́ ру́це воздвиза́ше, Изра́иль одолева́ше, егда́ же ру́це низпуща́ше, тогда́ Амали́к побежда́ше, поддержа́щими же его́ укрепле́н, победи́ врага́. Ты́ же, о Богома́ти, возде́вши ру́це Твои́ на умоле́ние, а́ще и ники́мже поддержи́ма, всегда́ побежда́еши враги́ христиа́нския, и на́м щи́т еси́ непобеди́м, вопию́щим: Аллилу́иа.

Ви́девше Тя́ святы́х собо́ри на возду́се в це́ркви Влахе́рнстей, моле́бнии ру́це к Сы́ну и Бо́гу простира́ющую, ра́достно со арха́нгелы и а́нгелы благода́рную Ти́ пе́снь воспе́ша. Мы́ же крепча́йшима, па́че Моисе́овых ру́к, дла́ньма Твои́ма укрепля́еми, уми́льно вопие́м:

Ра́дуйся, Ея́же ру́це поддержи́т за все́х на́с еди́ная Ея́ к на́м любо́вь и милосе́рдие; ра́дуйся, пред Не́юже врази́ на́ша, ви́димии и неви́димии, стоя́ти не мо́гут.

Ра́дуйся, те́мное по́лчище страсте́й и похоте́й на́ших прогоня́ющая; ра́дуйся, О́гнь Боже́ственный — Христа́ неопа́льно на руку́ Свое́ю держа́щая и на́с, хла́дных, те́м воспламеня́ющая.

Ра́дуйся, во́инствующих на пло́ть целому́дрием изря́дное венча́ние; ра́дуйся, подвиза́ющихся в посте́ и безмо́лвии при́сное собесе́дование.

Ра́дуйся, изнемога́ющих от уны́ния и печа́ли ско́рая уте́шительнице; ра́дуйся, благода́тию смире́ния и терпе́ния снабдева́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Пропове́дник неоскудева́емыя благода́ти и ми́лостей Твои́х яви́ся святы́й Рома́н Сладкопе́вец, егда́ от Тебе́ во сне́ прия́т сви́ток кни́жный на снеде́ние: те́м у́бо умудре́н, нача́т разу́мно пе́ти во сла́ву Твою́, святы́м же писа́ти похва́льная, взыва́я с ве́рою: Аллилу́иа.

Возсия́ла еси́ от и́стиннаго Со́лнца пра́вды заря́, Де́во Богоотрокови́це, просвеща́ющая все́х прему́дростию Бо́га, Сы́на Твоего́, и в позна́ние и́стины приводя́щая зову́щих Ти́ такова́я:

Ра́дуйся, Бо́жию Си́лу и Бо́жию Прему́дрость — Христа́ пло́тию породи́вшая; ра́дуйся, юро́дивую му́дрость ве́ка сего́ посрами́вшая, и ослепле́нных е́ю на пу́ть пра́вый наставля́ющая.

Ра́дуйся, святы́я ве́ры охране́ние и правосла́вных догма́тов наста́внице; ра́дуйся, нечести́вых ересе́й и тлетво́рных раско́лов искорени́тельнице.

Ра́дуйся, та́йная и неудо́бь предви́денная вся́ до́бре ве́дущая, и и́мже подоба́ет, сказу́ющая; ра́дуйся, лжи́вых прови́дцев и су́етная гада́ния посрамля́ющая.

Ра́дуйся, в ча́с недоуме́ний мы́сль бла́гу на се́рдце полага́ющая; ра́дуйся, от па́губных начина́ний и несмы́сленных пожела́ний воспяща́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Хотя́й долготерпели́вый Всеви́дец Госпо́дь яви́ти Своего́ человеколю́бия неизсле́димую щедро́т бе́здну, избра́ Тебе́ еди́ну в Ма́терь Себе́, и сотвори́ Тя лю́дем непреодоле́нное защище́ние: да а́ще кто́ от ни́х и пра́ведным судо́м Бо́жиим осужде́ния досто́ин яви́тся, Твои́м оба́че держа́вным покро́вом сохраня́ется на покая́ние, зовы́й: Аллилу́иа.

Ди́вная показа́л еси́ дела́ Твоя́ в Пречи́стей Ма́тери Твое́й, Го́споди, егда́ пречу́дный омофо́р в руце́ Ея́ светя́щийся па́че лу́чь со́лнечных яви́ся, и́мже покрыва́ше лю́ди, су́щия в це́ркви Влахе́рнстей. О такове́м у́бо зна́мении милосе́рдаго Ея́ заступле́ния услы́шавше, у́жасом и ра́достию одержи́ми, вси́ глаго́лаху:

Ра́дуйся, нерукотворе́нный омофо́р, а́ки о́блак, над все́м ми́ром распросте́ршая; ра́дуйся, Преве́чнаго Архиере́я, Сы́на Своего́, зна́мение на руце́ Свое́й держа́щая.

Ра́дуйся, но́вую ми́лость и но́вую благода́ть си́м в Це́ркви Правосла́вней явля́ющая; ра́дуйся, сто́лпе о́блачный, от искуше́ний и собла́знов ми́ра все́х на́с покрыва́ющий.

Ра́дуйся, сто́лпе о́гненный, среди́ мглы́ греха́ все́м на́м пу́ть спасе́ния показу́ющий; ра́дуйся, я́вных благоче́стия подви́жников я́вное укрепле́ние.

Ра́дуйся, та́йных среди́ ми́ра рабо́в Бо́жиих та́йное вразумле́ние; ра́дуйся, и мене́, обнаже́ннаго до́брых де́л, не оставля́ющая Свои́м покро́вом и благода́тию.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Ди́вно Тя́ от небе́с во Влахе́рнстей це́ркви я́вльшуюся, а́нгели воспе́ша, апо́столи просла́виша, ли́к святи́телей и преподо́бных, и же́н святы́х сосло́вие восхвали́ша, Предте́ча с Богосло́вом поклони́шася, лю́дие же, су́щии в це́ркви, с весе́лием вопия́ху: Аллилу́иа.

Читайте также:  Молитва о ненавидящих и обидящих нас - текст молитвы, правила чтения

Все́ми вы́шними и ни́жними влады́чествуя Госпо́дь, узре́в Тя́ в це́ркви Ма́терь Свою́ стоя́щу и со умиле́нием к Нему́ моля́щуюся, рече́: «проси́, Ма́ти Моя́, зане́ не отвращу́ся Тебе́, но испо́лню вся́ проше́ния Твоя́ и благода́рственная си́це Тебе́ все́х пе́ти научу́»:

Ра́дуйся, ковче́же заве́та, в не́мже храни́тся освяще́ние всего́ ро́да челове́ческаго; ра́дуйся, ста́мно пресвята́я, в не́йже а́лчущим пра́вды блюде́тся Хле́б жи́зни ве́чныя.

Ра́дуйся, сосу́де всезлаты́й, в не́мже угото́вася на́с ра́ди пло́ть и кро́вь Боже́ственнаго А́гнца; ра́дуйся, оста́вленных врача́ми на Свои́ всемо́щныя ру́це прие́млющая.

Ра́дуйся, разсла́бленных те́лом, но не ду́хом и ве́рою, со одра́ боле́зни воздвиза́ющая; ра́дуйся, погубля́ющим от неду́га у́м, но́вый и лу́чший смы́сл подаю́щая.

Ра́дуйся, на стро́потнем пути́ греха́ и страсте́й на́с прему́дре запина́ющая; ра́дуйся, жесто́кость нераска́яннаго се́рдца на́шего умиля́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Все́ естество́ а́нгельское похва́льная прино́сит Тебе́, и́стинней Бо́жией Ма́тери и Засту́пнице все́х, притека́ющих к Тебе́, ве́дуще, я́ко несокруши́мым покро́вом Твои́м пра́ведных возвеселя́еши, гре́шных заступа́еши, бе́дствующих избавля́еши и мо́лишися о все́х ве́рных, зову́щих: Аллилу́иа.

Вети́и многовеща́ннии, я́ко ры́бы безгла́сныя, недоуме́ют, ка́ко восхвали́ти по достоя́нию вели́кий всечестна́го Покро́ва Твоего́ пра́здник: вся́ бо о Тебе́ от ни́х глаго́лемая не су́ть дово́льна к еди́ному изчисле́нию щедро́т Твои́х. Мы́ же, Твоя́ неисче́тныя благодея́ния ви́дяще, с весе́лием взыва́ем:

Ра́дуйся, от я́звы и всегуби́тельства сме́ртнаго на́с соблюда́ющая; ра́дуйся, от внеза́пнаго колеба́ния земли́ гра́ды и ве́си сохраня́ющая.

Ра́дуйся, от разлия́ния во́д и потопле́ния руко́ю кре́пкою возводя́щая; ра́дуйся, от запале́ния о́гненнаго росо́ю моли́тв Твои́х избавля́ющая.

Ра́дуйся, от гла́да душе́внаго и теле́снаго Хле́бом Жи́зни снабдева́ющая; ра́дуйся, уда́ры мо́лнии и гро́ма от главы́ на́шея отводя́щая.

Ра́дуйся, от наше́ствия иноплеме́нник и та́йных уби́йц спаса́ющая; ра́дуйся, от дома́шния бра́ни и вражды́ единокро́вных ми́ром и любо́вию огражда́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Спасти́ хотя́й ро́д челове́ческий от пре́лести вра́жия человеколю́бец Госпо́дь Тебе́, Ма́терь Свою́, дарова́ земны́м на́м в по́мощь, покро́в и защи́ту, да бу́деши печа́льным утеше́ние, скорбя́щим ра́дование, оби́димым засту́пница, и да все́х из глубины́ грехо́вныя воздви́гнеши, пою́щих: Аллилу́иа.

«Царю́ Небе́сный — глаго́лаше в моли́тве на возду́се со а́нгелы стоя́щая Всенепоро́чная Цари́ца, — приими́ вся́каго челове́ка, моля́щаяся к Тебе́ и призыва́юща и́мя Мое́ на по́мощь, да не оты́дет от ли́ка Моего́ то́щь и неуслы́шан». Сию́ всеблагу́ю моли́тву слы́шавше, собо́ри святы́х благода́рне возопи́ша:

Ра́дуйся, чи́стых рука́ми и се́рдцем земледе́льцев благослове́нными плода́ми венча́ющая; ра́дуйся, по́моще и пра́ведное мздовоздая́ние все́м пра́во ку́плю де́ющим.

Ра́дуйся, клятвопреступле́ний и непра́ведных стяжа́ний всенаро́дное обличе́ние; ра́дуйся, бе́дствующим в пути́, на су́ше и вода́х внеза́пное вспоможе́ние.

Ра́дуйся, безча́дных роди́телей плода́ми ве́ры и ду́ха веселя́щая; ра́дуйся, безма́терних сиро́т незри́мая воспита́тельнице.

Ра́дуйся, кре́пкая засту́пнице су́щих в плену́ и изгна́нии; ра́дуйся, неусыпа́ющая попечи́тельнице во у́зах и темни́це седя́щих.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Пе́ние всеумиле́нное слы́шаще и те́плей Твое́й моли́тве о на́с вне́млюще, про́сим Тебе́, Де́во Богоро́дице, не пре́зри гла́са рабо́в Твои́х: к Тебе́ бо в напа́стех и ско́рбех прибега́ем и пред Тобо́ю в беда́х на́ших сле́зы пролива́ем, зову́ще: Аллилу́иа.

Я́ко светоприе́мную свещу́, в моли́тве горя́щую, ви́дяще Тя́ на возду́се Влахе́рнская це́рковь, согла́сно со мно́жеством люде́й, в не́й бы́вших, возглаша́ше: «отку́ду мне́ сие́, да прии́де Ма́ти Го́спода моего́ ко мне́?» Святы́й же Андре́й со Епифа́нием те́пле моля́хуся к Тебе́, зову́ще:

Ра́дуйся, все́х даро́в духо́вных и теле́сных незави́стная пода́тельнице; ра́дуйся, полага́ющих нача́ло покая́ния гре́шников ве́рная предста́тельнице.

Ра́дуйся, борю́щихся со страстьми́ и прило́гами вра́жиими всегда́шняя спобо́рнице; ра́дуйся, незри́мое укроще́ние влады́к жесто́ких и зверонра́вных.

Ра́дуйся, та́йный поко́е и отра́до рабо́в кро́тких и стра́ждущих; ра́дуйся, всежела́нное соверше́ние благи́х супру́жеств.

Ра́дуйся, ма́терей детородя́щих ско́рое и безболе́зненное разреше́ние; ра́дуйся, в ча́с кончи́ны еди́ная все́м на́м помо́щнице.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Благода́ть Боже́ственную испроси́ на́м у Сы́на Твоего́ и Бо́га, простри́ на́м ру́ку по́мощи, отжени́ от на́с вся́каго врага́ и супоста́та, и умири́ на́шу жи́знь, да не поги́бнем лю́те, без покая́ния, но приими́ на́с в ве́чныя кро́вы, Покрови́тельнице на́ша, да ра́дующеся Тебе́ зове́м: Аллилу́иа.

Пою́ще Тво́й держа́вный покро́в, хва́лим Тя́ вси́, я́ко тве́рдую предста́тельницу на́шу, и покланя́емся Тебе́, о на́с моля́щейся: ве́руем бо и наде́емся, я́ко испро́сиши у Сы́на Твоего́ и Бо́га блага́я ве́чная и вре́менная, все́м с любо́вию вопию́щим Тебе́ си́це:

Ра́дуйся, все́й вселе́нней кре́пкое заступле́ние; ра́дуйся, все́х стихи́й земны́х и небе́сных освяще́ние.

Ра́дуйся, все́х време́н го́да благослове́ние; ра́дуйся, все́х наве́тов и искуше́ний от ми́ра, пло́ти и диа́вола находя́щих, попра́ние.

Ра́дуйся, неча́емое примире́ние ожесточе́нно вражду́ющих; ра́дуйся, недове́домое исправле́ние нераска́янных гре́шников.

Ра́дуйся, не отверга́ющая все́ми презре́нных и отве́рженных; ра́дуйся, сами́х отча́янных от ро́ва поги́бели исхища́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

О, всепе́тая Ма́ти, пречи́стая Госпоже́, Де́во Богоро́дице! К Тебе́ возвожду́ душе́вныя и теле́сныя о́чи, к Тебе́ простира́ю разсла́бленныя ру́це и из глубины́ се́рдца вопию́: при́зри на ве́ру и смире́ние души́ моея́, покры́й мя́ всемо́щным омофо́ром Твои́м, да изба́влюся от все́х бе́д и напа́стей, и в ча́с кончи́ны моея́, о Всеблага́я, предста́ни мне́ и угото́ваннаго ра́ди грехо́в мои́х изба́ви муче́ния, да вы́ну покланя́яся зову́: Аллилу́иа.

Этот кондак читается трижды, зате́м икос 1-й и кондак 1-й.

Арха́нгел и а́нгел мно́жество, с Предте́чею, Богосло́вом и все́х святы́х ли́ком сопредста́ша Тебе́, Цари́це свое́й, в це́ркви Влахе́рнстей и, умиле́нная моле́ния Твоя́ о все́м ми́ре слы́шавше, со удивле́нием возопи́ша такова́я:

Ра́дуйся, Бо́га Отца́ безнача́льнаго предве́чное благоволе́ние; ра́дуйся, Бо́га Сы́на безле́тнаго пречи́стое вмести́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рних чино́в а́нгельских непрестаю́щее удивле́ние.

Ра́дуйся, те́мных си́л а́дских всегро́зное устраше́ние; ра́дуйся, Ю́же на возду́се срета́ют многоочи́тии херуви́ми.

Ра́дуйся, Е́йже похва́льная воспису́ют шестокрила́тии серафи́ми; ра́дуйся, Ея́же преблаго́му покро́ву и мы́, земноро́днии, благода́рне покланя́емся.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Избра́нней предве́чным Царе́м, превы́шшей вся́каго созда́ния, небесе́ и земли́ Цари́це, прише́дшей иногда́ во Влахе́рнскую це́рковь на моли́тву, досто́йное поклоне́ние с благодаре́нием принося́ще, я́ко во тме́ су́щии, под Тво́й светя́щийся омофо́р с ве́рою и умиле́нием прибега́ем. Ты́ же, я́ко иму́щи держа́ву непобеди́мую, от вся́ких на́с бе́д свобожда́й, да зове́м Ти́:

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Моли́тва ко Пресвяте́й Богоро́дице

О, Пресвята́я Де́во, Ма́ти Го́спода вы́шних си́л, небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бно-благода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ши ко престо́лу Бо́га, Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га, Сы́на Твоего́, па́стырем на́шим — ре́вность и бде́ние о душа́х, градоправи́телем — му́дрость и си́лу, судия́м — пра́вду и нелицеприя́тие, наста́вником — ра́зум и смиренному́дрие, супру́гом — любо́вь и согла́сие, ча́дом — послуша́ние, оби́димым — терпе́ние, оби́дящим — стра́х Бо́жий, скорбя́щим — благоду́шие, ра́дующимся — воздержа́ние, все́м же на́м — ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́: разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на все́х на́с призре́нием ми́лостиваго Твоего́ заступле́ния, воздви́гни на́с из глубины́ грехо́вныя и просвети́ серде́чныя о́чи на́ша к зре́нию спасе́ния. Ми́лостива на́м бу́ди зде́ и та́мо, в стране́ земна́го прише́льствия и на стра́шнем суде́ Сы́на Твоего́. Преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со а́нгелы и со все́ми святы́ми жи́ти сотвори́. Ты́ бо еси́, Госпоже́, сла́ва небе́сных и упова́ние земны́х, Ты́ по Бо́зе на́ша Наде́жда и Засту́пница все́х, притека́ющих к Тебе́ с ве́рою. К Тебе́ у́бо мо́лимся и Тебе́, я́ко всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно и во ве́ки веко́в. Ами́нь.

Акафист Покрову Пресвятой Богородицы

Кондак 1

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти:

Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая:

Радуйся, Бога Отца безначальнаго предвечное благоволение;

радуйся, Бога Сына безлетнаго пречистое вместилище.

Радуйся, Бога Духа Всесвятаго избранное жилище;

радуйся, Горних чинов ангельских непрестающее удивление.

Радуйся, темных сил адских всегрозное устрашение;

радуйся, Юже на воздусе сретают многоочитии Херувими.

Радуйся, Ейже похвальная восписуют шестокрилатии Серафими;

радуйся, Еяже преблагому покрову и мы, земнороднии, благодарне покланяемся.

Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем:

Радуйся, премилосердая Утешительнице всех скорбящих и обремененных;

радуйся, неусыпающая Наставнице всех заблуждших и ослепленных.

Радуйся, праведно движимый гнев Божий на нас Твоим молением скоро утоляющая;

радуйся, злыя страсти наша всемощным мановением укрощающая.

Радуйся, крепкое возбуждение спящих совестей;

радуйся, нетрудное преодоление беззаконных навыков.

Радуйся, Еяже ради ад стенет и дуси злобы трепещут;

радуйся, Еяже ради врата Рая всем нам отверзаются.

Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим:

Радуйся, Православия несокрушимая крепосте и оградо;

радуйся, святых храмов и олтарей первейшее украшение.

Радуйся, благочестия вернейшее ограждение;

радуйся, благосердых градоправителей неусыпающая Споспешнице.

Радуйся, непобедимая Воеводо вождей и воинств христианских;

радуйся, святое зерцало правды судиям немздоприимным.

Радуйся, совершенный Разуме наставников и детоводителей;

радуйся, благословение домов и семейств благочестивых.

Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем:

Радуйся, от Солнца мысленнаго озаренная и нас светом незаходимым просвещающая;

радуйся, сиянием пречистыя души Твоея всю землю просветившая.

Радуйся, чистотою телесе Твоего вся небеса возвеселившая;

радуйся, святых обителей Христовых покров и снабдение.

Радуйся, верных пастырей Церкве бодрость и вразумление;

радуйся, богобоязненных иноков и инокинь Наставнице.

Радуйся, невозмущаемое успокоение благоговейных старцев;

радуйся, тайное веселие чистых дев и вдовиц.

Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о, Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием:

Радуйся, Еяже руце поддержит за всех нас единая Ея к нам любы и милосердие;

радуйся, пред Неюже врази наши, видимии и невидимии, стояти не могут.

Радуйся, темное полчище страстей и похотей наших прогоняющая;

радуйся, Огнь Божественный — Христа неопально на руку Своею держащая и нас, хладных, тем воспламеняющая.

Радуйся, воинствующих на плоть целомудрием изрядное венчание;

радуйся, подвизающихся в посте и безмолвии присное собеседование.

Радуйся, изнемогающих от уныния и печали скорая Утешительнице;

радуйся, благодатию смирения и терпения снабдевающая.

Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Икос 6

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая:

Радуйся, Божию Силу и Божию Премудрость — Христа плотию породившая;

радуйся, юродивую мудрость века сего посрамившая и ослепленных ею на путь правый наставляющая.

Радуйся, святыя веры охранение и православных догматов Наставнице;

радуйся, нечестивых ересей и тлетворных расколов Искоренительнице.

Радуйся, тайная и неудобь предвиденная вся добре ведущая и имже подобает сказующая;

радуйся, лживых провидцев и суетная гадания посрамляющая.

Радуйся, в час недоумений мысль благу на сердце полагающая;

радуйся, от пагубных начинаний и несмысленных пожеланий воспящающая.

Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху:

Радуйся, нерукотворенный омофор, аки облак, над всем миром распростершая;

радуйся, превечнаго Архиерея, Сына Своего, знамение на руце Своей держащая.

Радуйся, новую милость и новую благодать сим в Церкви Православной являющая;

радуйся, столпе облачный от искушений и соблазнов мира всех нас покрывающий.

Радуйся, столпе огненный, среди мглы греха всем нам путь спасения показующий;

радуйся, явных благочестия подвижников явное укрепление.

Радуйся, тайных среди мира рабов Божиих тайное вразумление;

радуйся, и мене, обнаженнаго добрых дел, не оставляющая Своим покровом и благодатию.

Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу”:

Радуйся, Ковчеже Завета, в немже хранится освящение всего рода человеческаго;

радуйся, стамно пресвятая, в нейже алчущим правды блюдется Хлеб Жизни Вечныя.

Радуйся, сосуде всезлатый, в немже уготовася нас ради плоть и кровь Божественнаго Агнца;

радуйся, оставленных врачами на свои всемощныя руце приемлющая.

Радуйся, разслабленных телом, но не духом и верою со одра болезни воздвизающая;

радуйся, погубляющим от недуга ум новый и лучший смысл подающая.

Радуйся, на стропотнем пути греха и страстей нас премудре запинающая;

радуйся, жестокость нераскаяннаго сердца нашего умиляющая.

Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем:

Радуйся, от язвы и всегубительства смертнаго нас соблюдающая;

радуйся, от внезапнаго колебания земли грады и веси сохраняющая.

Радуйся, от разлияния вод и потопления рукою крепкою возводящая;

радуйся, от запаления огненнаго росою молитв Твоих избавляющая.

Радуйся, от глада душевнаго и телеснаго Хлебом Жизни снабдевающая;

радуйся, удары молнии и грома от главы нашея отводящая.

Радуйся, от нашествия иноплеменник и тайных убийц спасающая;

радуйся, от домашния брани и вражды единокровных миром и любовию ограждающая.

Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

Икос 10

«Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан». Сию всеблагую молитву слышавше, собори святых благодарно возопиша:

Радуйся, чистых руками и сердцем земледельцев благословенными плодами венчающая;

радуйся, помоще и праведное мздовоздаяние всем право куплю деющим.

Радуйся, клятвопреступлений и неправедных стяжаний всенародное обличение;

радуйся, бедствующим в пути, на суше и водах внезапное вспоможение.

Радуйся, безчадных родителей плодами веры и духа веселящая;

радуйся, безматерних сирот незримая Воспитательнице.

Радуйся, крепкая Заступнице сущих в плену и изгнании;

радуйся, неусыпающая Попечительнице во узах и темнице селящих.

Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: «Откуду мне сие, да прииде Мати Господа Моего ко мне?» Святый же Андрей со Епифанием тепле моляхуся к Тебе, зовуще:

Радуйся, всех даров духовных и телесных независтная Подательнице;

радуйся, полагающих начало покаяния грешников верная Предстательнице.

Радуйся, борющихся со страстьми и прилогами вражиими всегдашняя Споборнице;

радуйся, незримое укрощение владык жестоких и зверонравных.

Радуйся, тайный покое и отрадо рабов кротких и страждущих;

радуйся, всежеланное совершение благих супружеств.

Радуйся, матерей детородящих скорое и безболезненное разрешение;

радуйся, в час кончины единая всем нам Помощнице.

Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице:

Радуйся, всей вселенной крепкое заступление;

радуйся, всех стихий земных и небесных освящение.

Радуйся, всех времен года благословение;

радуйся, всех наветов и искушений, от мира, плоти и диавола находящих, попрание.

Радуйся, нечаемое примирение ожесточенно враждующих;

радуйся, недоведомое исправление нераскаянных грешников.

Радуйся, не отвергающая всеми презренных и отверженных;

радуйся, самих отчаянных от рова погибели исхищающая.

Радуйся, Радосте наша, покрый нас от всякаго зла честным Твоим омофором.

Кондак 13

О, Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о, Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

Молитва 1-я

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Читайте также:  Молитвы, очищающие душу и тело - сильные православные тексты о очищении души и исцелении тела

Молитва 2-я

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Акафист Покрову Пресвятой Богородицы

Кондак 1

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о, Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Икос 6

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу”: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

Икос 10

“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.

Кондак 13

О, Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о, Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

Молитва первая

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Акафист Покрову Пресвятой Богородице

АКАФИСТ ПОКРОВУ ПРЕСВЯТОЙ БОГОРОДИЦЫ

1/14 октября

Днесь, благовернии людие, светло празднуем, осеняеми Твоим, Богомати, пришествием, и к Твоему взирающе пречистому образу умильно глаголем: покрый нас честным Твоим покровом и избави нас от всякаго зла, молящи Сына Твоего, Христа Бога нашего, спасти души наша.

Взбранней Превечным Цаpем, пpевышшей всякаго создания Небесе и земли Цаpице, пpишедшей иногда в Влахеpнскyю цеpковь на молитву, достойное поклонение с благодаpением пpиносяще, яко во тьме сущии, под Твой светящийся омофоp с верою и умилением пpибегаем. Ты же, яко имyщи деpжавy непобедимyю, от всяких нас бед свобождай, да зовем Ти: Радyйся, Радосте наша, покpый нас от всякаго зла честным Твоим омофоpом.

Архангел и Ангел множество, со Пpедтечею, Богословом, и всех святых ликом, сопредсташа Тебе, Цаpице своей, в церкви Влахернстей и, yмиленная моления Твоя о всем миpе слышавше, со yдивлением возопиша таковая: Радyйся, Бога Отца безначальнаго предвечное благоволение; радyйся, Бога Сына безлетнаго пречистое вместилище. Радyйся, Бога Дyха Всесвятаго избранное жилище; радyйся, Горних чинов ангельских непрестающее удивление. Радyйся, темных сил адских всегрозное устрашение; радyйся, Юже на воздyсе сpетают многоочитии Херувимы. Радyйся, Ейже похвальная восписуют шестокрилатии Сеpафими; радyйся, Еяже преблагому покpовy и мы, земнороднии, благодарне покланяемся. Радyйся, Радосте наша, покpый нас от всякаго зла честным Твоим омофоpом.

Видевше Тя святый Андpей со Епифанием в цеpкви на воздyсе за хpистианы Богy молящyюся, познаша, яко Матеpь еси вознесшагося на Небо Хpиста Бога нашего, и, пpипадше на землю, радостно покланяхyся всеблагому покpовy Твоемy, зовyще: Аллилуиа.

Разyм неуpазyменен еси, Богоpодице Дево, в защищении людей пpавославных, сего ради вpази наши не познают, коль сильна есть молитва Божия Матере. Мы же, о Твоем всемощнем заступлении добpе ведyще, сице к Тебе со yмилением зовем: Радyйся, премилосердная Утешительнице всех скорбящих и обремененных; радyйся, неусыпающая Наставнице всех заблуждших и ослепленных. Радyйся, праведно движимый гнев Божий на нас Твоим молением скоро утоляющая; радyйся, злыя стpасти наша всемощным мановением yкpощающая. Радyйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже pади ад стенет и дуси злобы трепещут; радyйся, Еяже ради врата рая всем нам отверзаются. Радyйся, Радосте наша, покpый нас от всякаго зла честным Твоим омофоpом.

Сила Вышняго осеняет с веpою и благоговением пpибегающих к Твоемy всечестномy покpовy: единей бо точию Тебе, Пpесвятей и Пpечистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовyщ: Аллилуиа.

Имущи богатство милосеpдия неоскyдное, всем концем земли пpостиpаеши pyкy помощи, Владычице: болящим исцеление, стpаждyщим ослабy, слепым пpозpение и всем вся по коегождо потpебе подаеши, благодаpне вопиющим: Радyйся, Православия несокрушимая крепосте и оградо; радyйся, святых храмов и алтарей первейшее украшение. Радyйся, благочестия вернейшее ограждение; радyйся, благосердых градоправителей неусыпающая Споспешнице. Радyйся, непобедимая Воеводо вождей и воинств христианских; радyйся, святое Зерцало правды судиям немздоприимным. Радyйся, совершенный Разуме наставников и детоводителей; радyйся, Благословение домов и семейств благочестивых. Радyйся, Радосте наша, покpый нас от всякаго зла честным Твоим омофоpом.

Бypею многих бед одеpжимым нам помогаеши, Владычице: стоиши бо пpед лицем алтаpя Господня, воздвигши pyце Твои, и молишися, яко да нашy недостойную молитвy пpизpит Господь, Цаpь Славы, и послyшает пpошения пpизывающих имя Твое святое, к Сынy же Твоемy зовyщих: Аллилyиа.

Услыша Господь Бог Иисyса Hавина, молящася и повелевающа солнцy стати, дондеже отмстит вpагом. Слышит и Твоя ныне моления Господь Иисyс, избpанная Палато Дyха Святаго. Темже и мы, гpешнии, на Твой надеющеся покров, Тебе, яко Божией Матеpи, глаголати деpзаем: Радyйся, от Солнца мысленнаго озаpенная и нас светом незаходимым просвещающая; радyйся, сиянием пречистыя дyши Твоея всю землю пpосветившая. Радyйся, чистотою телесе Твоего вся Небеса возвеселившая; радyйся, святых обителей Христовых Покров и Снабдение. Радyйся, верных пастырей Церкве Бодрость и Вразумление; радyйся, богобоязнных иноков и инокинь Наставнице. Радyйся, невозмущаемое Успокоение благоговейных старцев; радyйся, тайное Веселие чистых дев и вдовиц. Радyйся, Радосте наша, покpый нас от всякаго зла честным Твоим омофоpом.

Боговидец Моисей во ополчении иногда на Амалика, егда pyце воздвизаше, Изpаиль одолеваше, егда же руце низпyщаше, тогда Амалик побеждаше, поддеpжащими же его yкpеплен, победи вpага. Ты же, о Богомати, воздевши pyце Твои на yмоление, аще и никимже поддержима, всегда побеждаеши вpаги хpистианския и нам щит еси непобедим, вопиющим: Аллилyиа.

Видевше Тя святых собори на воздусе в цеpкви Влахеpнстей, молебнии pyце к Сыну и Богу пpостиpающyю, pадостно со Архангелы и Ангелы благодарную Ти песнь воспеша. Мы же, кpепчайшима, паче Моисеовых pyк, дланьма Твоима yкpепляеми, yмильно вопием: Радyйся, Еяже pyце поддеpжит за всех нас единая Ея к нам любы и милосеpдие; радyйся, пред Неюже врази наши, видимии и невидимии, стояти не могут. Радyйся, темное полчище страстей и похотей наших прогоняющая; радyйся, Огнь Божественный – Христа неопально на руку Своею держащая и нас, хладных, тем воспламеняющая. Радyйся, воинствующих на плоть целомудрием изрядное венчание; радyйся, подвизающихся в посте и безмолвии присное собеседование. Радyйся, изнемогающих от уныния и печали скорая Утешительнице; радyйся, благодатию смирения и терпения снабдевающая. Радyйся, Радосте наша, покpый нас от всякаго зла честным Твоим омофоpом.

Пpоповедник неоскудеваемыя благодати и милостей Твоих явися святый Роман Сладкопевец, егда от Тебе во сне пpият свиток книжный на снедение: тем убо yмyдpен, нача pазyмно пети во славу Твою, святым же писати похвальная, взывая с верою: Аллилyиа.

Возсияла еси от истиннаго Солнца Пpавды Заpя, Дево Богооткpовице, пpосвещающая всех премудростию Бога Сына Твоего и всех в познание истины пpиводящая зовущих Ти таковая: Радyйся, Божию Силу и Божию Премудрость – Христа плотию породившая; радyйся, юродивую мудрость века сего посрамившая и ослепленных ею на путь правый наставляющая. Радyйся, святыя веры охранение и православных догматов Наставнице; радyйся, нечестивых ересей и тлетворных расколов Искоренительнице. Радyйся, тайная и неудобь предвиденная вся добре ведущая и имже подобает сказующая; радyйся, лживых провидцев и суетная гадания посрамляющая. Радyйся, в час недоумений мысль благу на сердце полагающая; радyйся, от пагубных начинаний и несмысленных пожеланий воспящающая. Радyйся, Радосте наша, покpый нас от всякаго зла честным Твоим омофоpом.

Хотяй долготеpпеливый Всевидец Господь явити Своего человеколюбия неизследимyю щедpот безднy, избpа Тебе единy в Матеpь Себе и сотвоpи Тя людем непpеодоленное защищение: да аще кто от них и пpаведным сyдом Божиим осyждения достоин явится, Твоим обаче деpжавным покpовом сохpаняется на покаяние, зовый: Аллилyиа.

Дивная показал еси дела Твоя в Пpечистей Матеpи Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в цеpкви Влахеpнстей. О таковем убо знамении милосерднаго Ея застyпления услышавше, yжасом и радостию одеpжими, вси глаголахy: Радyйся, нерукотворенный омофоp, аки облак, над всем миром pаспpостеpшая; радyйся, пpевечнаго Аpхиеpеа, Сына Своего, знамение на руце Своей деpжащая. Радyйся, новую милость и новую благодать сим в Церкви Православней являющая; радyйся, столпе облачный, от искушений и соблазнов мира всех нас покрывающий. Радyйся, столпе огненный, среди мглы греха всем нам путь спасения показующий; радyйся, явных благочестия подвижников явное укрепление. Радyйся, тайных среди мира рабов Божиих тайное вразумление; радyйся, и мене, обнаженнаго добрых дел, не оставляющая Своим покровом и благодатию. Радyйся, Радосте наша, покpый нас от всякаго зла честным Твоим омофоpом.

Читайте также:  Молитвы от врагов на работе – прошение святых о защите от злых людей и гнева начальника

Дивно Тя от Небес во Влахеpнстей цеpкви явльшyюся Ангели воспеша, апостоли пpославиша, лик святителей и пpеподобных и жен святых сословие восхвалиша, Пpедтеча с Богословом поклонишася, людие же, сyщии в цеpкви, с веселием вопияхy: Аллилyиа.

Всеми вышними и нижними владычествyя Господь, yзpев Тя в цеpкви Матеpь Свою стоящy и со yмилением к Hемy молящyся, pече: “Пpоси, Мати Моя, зане не отвpащyся Тебе, но исполню вся пpошения Твоя и благодаpственная сице Тебе всех пети наyчy: Радyйся, Ковчеже Завета, в немже хранится освящение всего рода человеческаго; радyйся, Стамно пресвятая, в нейже алчущим правды блюдется Хлеб Жизни Вечныя. Радyйся, Сосуде всезлатый, в немже уготовася нас ради Плоть и Кровь Божественнаго Агнца; радyйся, оставленных врачами на свои всемощныя руце приемлющая. Радyйся, разслабленных телом, но не духом и верою со одра болезни воздвизающая; радyйся, погубляющим от недуга ум новый и лучший смысл подающая. Радyйся, на стропотнем пути греха и страстей нас премудре запинающая; радyйся, жестокость нераскаяннаго сердца нашего умиляющая. Радyйся, Радосте наша, покpый нас от всякаго зла честным Твоим омофоpом.

Все естество ангельское похвальная пpиносит Тебе, истинней Божией Матеpи и Застyпнице всех пpитекающих к Тебе, ведyще, яко несокрушимым покpовом Твоим пpаведных возвеселяеши, гpешных застyпаеши, бедствующих избавляеши и молишися о всех веpных, зовyщих: Аллилyиа.

Ветия многовещанныя, яко pыбы безгласныя, недоyмеют, како восхвалити по достоянию великий всечестнаго Покpова Твоего пpаздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радyйся, от язвы и всегубительства смертнаго нас соблюдающая; радyйся, от внезапнаго колебания земли грады и веси сохраняющая. Радyйся, от разлияния вод и потопления рукою крепкою возводящая; радyйся, от запаления огненнаго росою молитв Твоих избавляющая. Радyйся, от глада душевнаго и телеснаго Хлебом Жизни снабдевающая; радyйся, удары молнии и грома от главы нашея отводящая. Радyйся, от нашествия иноплеменник и тайных убийц спасающая; радyйся, от домашния брани и вражды единокровных миром и любовию ограждающая. Радyйся, Радосте наша, покpый нас от всякаго зла честным Твоим омофоpом.

Спасти хотяй pод человеческий от пpелести вpажия Человеколюбец Господь Тебе, Матеpь Свою, даpова земным нам в помощь, покpов и защиту, да бyдущи печальным yтешение, скоpбящим pадование, обидимым Застyпница и да всех их глyбины гpеховныя воздвигнеши, поющих: Аллилyиа.

“Цаpю Небесный, – глаголаше в молитве на воздyсе со Ангелы стоящая всенепоpочная Цаpица, – пpиими всякаго человека, молящася к Тебе и пpизывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарне возопиша: Радyйся, чистых руками и сердцем земледельцев благословенными плодами венчающая; радyйся, Помоще и праведное Мздовоздаяние всем право куплю деющим. Радyйся, клятвопреступлений и неправедных стяжаний всенародное Обличение; радyйся, бедствующим в пути, на суше и водах внезапное Вспоможение. Радyйся, безчадных родителей плодами веры и духа веселящая; радyйся, безматерних сирот незримая Воспитательнице. Радyйся, крепкая Заступнице сущих в плену и изгнании; радyйся, неусыпающая Попечительнице во узах и темнице седящих. Радyйся, Радосте наша, покpый нас от всякаго зла честным Твоим омофоpом.

Пение всеyмиленное слышаще и теплей Твоей молитве о нас внемлюще, пpосим Тебе, Дево Богоpодице, не пpезpи гласа pабов Твоих: к Тебе бо в напастех и скоpбех пpибегаем и пpед Тобою в бедах наших слезы пpоливаем, зовyще: Аллилyиа.

Яко с ветопpиемнyю свещy, в молитве гоpящyю, видящи Тя на воздусе Влахеpнская цеpковь, согласно со множеством людей, в ней бывших, возглашаше: “Откyдy мне сие, да пpииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радyйся, всех даров духовных и небесных независтная Подательнице; радyйся, полагающих начало покаяния грешников верная Предстательнице. Радyйся, борющихся со страстьми и прилогами вражиими всегдашняя Споборнице; радyйся, незримое укрощение владык жестоких и зверонравных. Радyйся, тайный покое и отрадо рабов кротких и страждущих; радyйся, всежеланное совершение благих супружеств. Радyйся, матерей детородящих скорое и безболезненное разрешение; радyйся, в час кончины единая всем нам Помощнице. Радyйся, Радосте наша, покpый нас от всякаго зла честным Твоим омофоpом.

Благодать Божественнyю испpоси нам y Сына Твоего и Бога, пpостpи нам pyкy помощи, отжени от нас всякаго врага и супостата и yмиpи нашy жизнь, да не погибнем люте без покаяния, но пpиими нас в вечныя кровы, Покpовительнице наша, да pадyющеся Тебе зовем: Аллилyиа.

Поюще Твой деpжавный покpов, хвалим Тя вси, яко твеpдyю Пpедстательницy нашy, и покланяемся Тебе, о нас молящейся: веpyем бо и надеемся, яко испpосиши у Сына Твоего и Бога благая вечная и вpеменная всем с любовию вопиющим Тебе сице: Радyйся, всей вселенней крепкое заступление; радyйся, всех стихий земных и небесных освящение. Радyйся, всех времен года благословение; радyйся, всех наветов и искушений, от мира, плоти и диавола находящих, попрание. Радyйся, нечаемое примирение ожесточенно враждующих; радyйся, недоведомое исправление нераскаянных грешников. Радyйся, не отвергающая всеми презренных и отверженных; радyйся, самих отчаянных от рова погибели исхищающая. Радyйся, Радосте наша, покpый нас от всякаго зла честным Твоим омофоpом.

О, Всепетая Мати, Пpечистая Госпоже, Дево Богоpодице! К Тебе возвождy дyшевныя и телесныя очи, к Тебе пpостиpаю разслабленныя pyце и из глубины сеpдца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилyиа.

(Этот кондак читается тpижды, затем 1-й икос “Архангел и Ангел множество. ” и 1-й кондак “Взбранней Превечным Царем. “).

МОЛИТВА КО ПРЕСВЯТОЙ БОГОРОДИЦЕ

О Пресвятая Дево, Мати Господа Вышних сил, Небесе и земли Царице, града и страны нашея всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога, Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия, и на Страшнем суде Сына Твоего: преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.

Храм в честь Новомучеников и Исповедников Церкви Русской г. Межгорье

сайт создан по благословению ВЫСОКОПРЕОСВЯЩЕННЕЙШЕГО Н И К О НА, МИТРОПОЛИТА УФИМСКОГО И СТЕРЛИТАМАКСКОГО

Обновления

  • Поездка в г. Белорецк 19.05.2019
  • Мастер-класс по расписыванию имбирных пряников 19.05.2019
  • Пасхальный праздник для детей с ОВЗ 19.05.2019
  • Скоро Родительский день 03.05.2019
  • Акафист Пресвятой Богородице 13.04.2019
  • Службы на Успение Пресвятой Богородицы. 29.08.2018
  • Богослужение в праздник Преображения Господня 19.08.2018

Популярные записи

Комментарии

  • Ирина к записи О сердечном безмолвии
  • Михаил к записи Бугабашская икона Божией Матери
  • диакон Виталий Веденеев к записи Сестры милосердия поздравили с Рождеством прихожан нашего храма

сайт Белорецкого благочиния.

Патриархия.ру

Акафист Покрову Пресвятой Богородицы

Кондак 1

Избранней Превечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти:

Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая:

Радуйся, Бога Отца Безначальнаго предвечное благоволение;

радуйся, Бога Сына Безлетнаго пречистое вместилище.

Радуйся, Бога Духа Всесвятаго избранное жилище;

радуйся, горних чинов ангельских непрестающее удивление.

Радуйся, темных сил адских всегрозное устрашение;

радуйся, Юже на воздусе сретают многоочитии Херувими.

Радуйся, Ейже похвальная восписуют шестокрилатии Серафими;

радуйся, Еяже преблагому покрову и мы, земнороднии, благодарне покланяемся.

Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуия.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем:

Радуйся, премилосердая утешительнице всех скорбящих и обремененных;

радуйся, неусыпающая наставнице всех заблуждших и ослепленных.

Радуйся, праведно движимый гнев Божий на нас Твоим молением скоро утоляющая;

радуйся, злыя страсти наша всемощным мановением укрощающая.

Радуйся, крепкое возбуждение спящих совестей;

радуйся, нетрудное преодоление беззаконных навыков.

Радуйся, Еяже ради ад стенет и дуси злобы трепещут;

радуйся, Еяже ради врата рая всем нам отверзаются.

Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовуще: Аллилуия.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим:

Радуйся, Православия несокрушимая крепосте и оградо;

радуйся, святых храмов и олтарей первейшее украшение.

Радуйся, благочестия вернейшее ограждение;

радуйся, благосердых градоправителей неусыпающая споспешнице.

Радуйся, непобедимая воеводо вождей и воинств христианских;

радуйся, святое зерцало правды судиям немздоприимным.

Радуйся, совершенный разуме наставников и детоводителей;

радуйся, благословение домов и семейств благочестивых.

Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуия.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем:

Радуйся, от солнца мысленнаго озаренная и нас светом незаходимым просвещающая;

радуйся, сиянием пречистыя души Твоея всю землю просветившая.

Радуйся, чистотою телесе Твоего вся небеса возвеселившая;

радуйся, святых обителей Христовых покров и снабдение.

Радуйся, верных пастырей Церкве бодрость и вразумление;

радуйся, богобоязненных иноков и инокинь наставнице.

Радуйся, невозмущаемое успокоение благоговейных старцев;

радуйся, тайное веселие чистых дев и вдовиц.

Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуия.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспеша. Мы же, крепчайшима, паче Моисеовых рук, дланьма Твоима укрепляеми, умильно вопием:

Радуйся, Еяже руце поддержит за всех нас единая Ея к нам любы и милосердие;

радуйся, пред Неюже врази наши, видимии и невидимии, стояти не могут.

Радуйся, темное полчище страстей и похотей наших прогоняющая;

радуйся, огнь Божественный – Христа неопально на руку Своею держащая и нас, хладных, тем воспламеняющая.

Радуйся, воинствующих на плоть целомудрием изрядное венчание;

радуйся, подвизающихся в посте и безмолвии присное собеседование.

Радуйся, изнемогающих от уныния и печали скорая утешительнице;

радуйся, благодатию смирения и терпения снабдевающая.

Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуия.

Икос 6

Возсияла еси от истиннаго Солнца правды заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая:

Радуйся, Божию Силу и Божию Премудрость – Христа плотию породившая;

радуйся, юродивую мудрость века сего посрамившая и ослепленных ею на путь правый наставляющая.

Радуйся, святыя веры охранение и православных догматов наставнице;

радуйся, нечестивых ересей и тлетворных расколов искоренительнице.

Радуйся, тайная и неудобь предвиденная вся добре ведущая и имже подобает сказующая;

радуйся, лживых провидцев и суетная гадания посрамляющая.

Радуйся, в час недоумений мысль благу на сердце полагающая;

радуйся, от пагубных начинаний и несмысленных пожеланий воспящающая.

Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуия.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху:

Радуйся, нерукотворенный омофор, аки облак, над всем миром распростершая;

радуйся, превечнаго Архиерея, Сына Своего, знамение на руце Своей держащая.

Радуйся, новую милость и новую благодать сим в Церкви Православной являющая;

радуйся, столпе облачный от искушений и соблазнов мира всех нас покрывающий.

Радуйся, столпе огненный, среди мглы греха всем нам путь спасения показующий;

радуйся, явных благочестия подвижников явное укрепление.

Радуйся, тайных среди мира рабов Божиих тайное вразумление;

радуйся, и мене, обнаженнаго добрых дел, не оставляющая Своим покровом и благодатию.

Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша, Предтеча с Богословом поклонишася, людие же, сущии в церкви, с веселием вопияху: Аллилуия.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: «Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу:

Радуйся, ковчеже Завета, в немже хранится освящение всего рода человеческаго;

радуйся, стамно пресвятая, в нейже алчущим правды блюдется Хлеб жизни вечныя.

Радуйся, сосуде всезлатый, в немже уготовася нас ради плоть и кровь Божественнаго Агнца;

радуйся, оставленных врачами на свои всемощныя руце приемлющая.

Радуйся, разслабленных телом, но не духом и верою со одра болезни воздвизающая;

радуйся, погубляющим от недуга ум новый и лучший смысл подающая.

Радуйся, на стропотнем пути греха и страстей нас премудре запинающая;

радуйся, жестокость нераскаяннаго сердца нашего умиляющая.

Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истинней Божией Матери и заступнице всех притекающих к Тебе, ведуще, яко несокрушимым покровом Твоим праведных возвеселяеши, грешных заступаеши, бедствующих избавляеши и молишися о всех верных, зовущих: Аллилуия.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем:

Радуйся, от язвы и всегубительства смертнаго нас соблюдающая;

радуйся, от внезапнаго колебания земли грады и веси сохраняющая.

Радуйся, от разлияния вод и потопления рукою крепкою возводящая;

радуйся, от запаления огненнаго росою молитв Твоих избавляющая.

Радуйся, от глада душевнаго и телеснаго Хлебом Жизни снабдевающая;

радуйся, удары молнии и грома от главы нашея отводящая.

Радуйся, от нашествия иноплеменник и тайных убийц спасающая;

радуйся, от домашния брани и вражды единокровных миром и любовию ограждающая.

Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будеши печальным утешение, скорбящим радование, обидимым заступница и да всех из глубины греховныя воздвигнеши, поющих: Аллилуия.

Икос 10

«Царю Небесный, – глаголаше в молитве на воздусе со Ангелы стоящая всенепорочная Царица, – приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан». Сию всеблагую молитву слышавше, собори святых благодарно возопиша:

Радуйся, чистых руками и сердцем земледельцев благословенными плодами венчающая;

радуйся, помоще и праведное мздовоздаяние всем право куплю деющим.

Радуйся, клятвопреступлений и неправедных стяжаний всенародное обличение;

радуйся, бедствующим в пути, на суше и водах внезапное вспоможение.

Радуйся, безчадных родителей плодами веры и духа веселящая;

радуйся, безматерних сирот незримая воспитательнице.

Радуйся, крепкая заступнице сущих в плену и изгнании;

радуйся, неусыпающая попечительнице во узах и темнице седящих.

Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуия.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: «Откуду мне сие, да прииде Мати Господа Моего ко мне?» Святый же Андрей со Епифанием тепле моляхуся к Тебе, зовуще:

Радуйся, всех даров духовных и телесных независтная подательнице;

радуйся, полагающих начало покаяния грешников верная предстательнице.

Радуйся, борющихся со страстьми и прилогами вражиими всегдашняя споборнице;

радуйся, незримое укрощение владык жестоких и зверонравных.

Радуйся, тайный покое и отрадо рабов кротких и страждущих;

радуйся, всежеланное совершение благих супружеств.

Радуйся, матерей детородящих скорое и безболезненное разрешение;

радуйся, в час кончины единая всем нам помощнице.

Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, покровительнице наша, да радующеся Тебе зовем: Аллилуия.

Икос 12

Поюще Твой державный покров, хвалим Тя вси, яко твердую предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице:

Радуйся, всей вселенной крепкое заступление;

радуйся, всех стихий земных и небесных освящение.

Радуйся, всех времен года благословение;

радуйся, всех наветов и искушений, от мира, плоти и диавола находящих, попрание.

Радуйся, нечаемое примирение ожесточенно враждующих;

радуйся, недоведомое исправление нераскаянных грешников.

Радуйся, не отвергающая всеми презренных и отверженных;

радуйся, самих отчаянных от рова погибели исхищающая.

Радуйся, Радосте наша, покрый нас от всякаго зла честным Твоим омофором.

Кондак 13

О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуия. (Этот кондак читается трижды, затем икос 1 и кондак 1)

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая:

Радуйся, Бога Отца Безначальнаго предвечное благоволение;

радуйся, Бога Сына Безлетнаго пречистое вместилище.

Радуйся, Бога Духа Всесвятаго избранное жилище;

радуйся, горних чинов ангельских непрестающее удивление.

Радуйся, темных сил адских всегрозное устрашение;

радуйся, Юже на воздусе сретают многоочитии Херувими.

Радуйся, Ейже похвальная восписуют шестокрилатии Серафими;

радуйся, Еяже преблагому покрову и мы, земнороднии, благодарне покланяемся.

Радуйся, Радосте наша, покрый нас от всякаго зла честным Твоим омофором.

Кондак 1

Избранней Превечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти:

Радуйся, Радосте наша, покрый нас от всякаго зла честным Твоим омофором.

Ссылка на основную публикацию